12:39 21 նոյեմբերի 2019
Ուղիղ եթեր
  • USD476.98
  • GBP615.73
  • EUR527.68
  • RUB7.46
Էդուարդ Աղաջանյանն ու Նիկոլ Փաշինյանը. արխիվային լուսանկար

Փաշինյանի աշխատակազմը «կասկածելի» փողեր չի տրամադրի ՀԿ–ներին. Աղաջանյան

© Sputnik / Aram Nersesyan ,
Քաղաքականություն
Ստանալ կարճ հղումը
116 0 0

Հասարակական կազմակերպություններին և քաղաքական կուսակցություններին գումարներ են տրամադրվել առանց էական հիմնավորումների։

ԵՐԵՎԱՆ, 30 հոկտեմբերի - Sputnik. Հայաստանի կառավարության աշխատակազմը չի ֆինանսավորի «Քաղաքացիական հասարակության մասնակցությունը պետական կառավարմանը» ծրագրին։ Այդ մասին հայտարարեց Հայաստանի կառավարության աշխատակազմի ղեկավար Էդուարդ Աղաջանյանը 2020թ.–ի պետբյուջեի քննարկումների նախագծի շուրջ լսումների ժամանակ։

Հանրային խորհուրդն անիմաստ կառույց է. Ալեն Սիմոնյան

Նա հիշեցրեց, որ ավելի վաղ նախագահին կից Հանրային խորհրդի ֆինանսավորման շրջանակում խորհրդի աշխատանքին մասնակցած հասարակական կազմակերպություններին և կուսակցություններին ֆինանսական աջակցություն է ցուցաբերվել։ Այնուհետև այդ ծրագիրը որոշել են չեղյալ հայտարարել կոռուպցիոն ռիսկերի կասկածների պատճառով։

«Այդ կազմակերպություններին առանց էական հիմնավորումների գումարներ են տրամադրվել։ Դա կասկածներ առաջացրեց մեզ մոտ, և մենք որոշեցինք փակել ծրագիրը», – հայտարարեց Աղաջանյանը։

Հիշեցնենք` Վազգեն Մանուկյանը Հանրային խորհրդի նախագահի պաշտոնում առաջին անգամ նշանակվել է 10 տարի առաջ` 2009թ.–ի մայիսի 29-ին`  ՀՀ նախագահ Սերժ Սարգսյանի հրամանով։  Վերջին անգամ վերանշանակվել է 2019թ.–ի ապրիլի 4-ին։

Հայտնել էինք, որ ՀՀ ԱԺ պատգամավոր Արման Բաբաջանյանը դիմել էր վարչապետին Հանրային խորհրդի նախագահ Վազգեն Մանուկյանին պաշտոնանկ անելու պահանջով:

Այսօր` հոկտեմբերի 30–ին կայացած մամուլի ասուլիսում Մանուկյանն ասել է, որ այդ ամենն իր հետևում քաղաքական նպատակներ է թաքցնում. դա քաղաքական պատվեր է։

Մարզպետները շատ են աշխատել, իրենց պարգևատրել են, իսկ դուք օբյեկտիվ չեք. Աղաջանյան

«Եթե ինձ ասելու բան ունեն, թող կանչեն, աչքերիս նայեն ու ասեն, ոչ թե երկրորդական մարդկանց միջոցով ինչ–որ բան հասկացնեն»,–ասաց նա։

Նրա խոսքով` հնարավոր է առաջիկայում փորձի հանդիպել վարչապետ Նիկոլ Փաշինյանի հետ` քննարկելու իր պաշտոնավարման հարցը։

Ըստ թեմայի

Հանրային խորհուրդը կողմ է «Զվարթնոց» օդանավակայանի հին մասնաշենքի կենտրոնական աշտարակի պահպանմանը
Ընտանեկան բռնության դեմ նախագիծը թերի է, հապշտապ ընդունումը՝ վտանգավոր. Հանրային խորհուրդ
Բարեփոխում պետք է, վեթինգ` ոչ. արդարադատության նախարարը չլսեց Հանրային խորհրդի կարծիքը
թեգերը:
Արման Բաբաջանյան, Վազգեն Մանուկյան, Նիկոլ Փաշինյան, Էդուարդ Աղաջանյան

Գլխավոր թեմաներ