14:35 12 նոյեմբերի 2019
Ուղիղ եթեր
  • USD477.22
  • GBP610.79
  • EUR526.33
  • RUB7.47
Վազգեն Մանուկյան. արխիվային լուսանկար

«Ինչո՞ւ ինքը նման որոշում չի կայացնում». Ալեն Սիմոնյանը` Մանուկյանի հրաժարականի մասին

© Sputnik / Asatur Yesayants
Քաղաքականություն
Ստանալ կարճ հղումը
168 0 0

«Իմ քայլը» խմբակցության նիստից հետո ԱԺ փոխնախագահ Ալեն Սիմոնյանն ասաց, որ խմբակցության նիստին քննարկվել է նաև Հանրային խորհրդի հարցը:

ԵՐԵՎԱՆ, 4 նոյեմբերի — Sputnik. ԱԺ փոխնախագահ Ալեն Սիմոնյանը կարծում է, որ Հանրային խորհուրդն անիմաստ կառույց է, և դրա նախագահ Վազգեն Մանուկյանը պետք է հրաժարական տա։ Այս մասին նա լրագրողների հետ զրույցում ասաց «Իմ քայլը» խմբակցության նիստից հետո՝ նշելով, որ խմբակցության նիստին քննարկվել է նաև Հանրային խորհրդի հարցը:

«Ես ներողություն եմ խնդրում սուր բառերի համար, բայց ես համարում եմ, որ դա անիմաստ կառույց է: Չգիտեմ՝ կա՞ մի լրագրող, որը կարող է նշել հիմա մի քանի գործողություն, որ այդ կառույցը արել է, և Հայաստանի հանրային կյանքում դա նշանակություն է ունեցել»,-ասաց նա:

ԱԺ փոխնախագահը պատասխանեց նաև Վազգեն Մանուկյանի հնարավոր հրաժարականի մասին հարցին։

«Ես չեմ հասկանում՝ եթե նա իրեն տեսնում է քաղաքական դաշտում, ինչո՞ւ ինքը նման որոշում չի կայացնում»,–ասաց Սիմոնյանը։

Հակոբյան. «Իշխանության մեջ կան շրջանակներ, որոնց Վազգեն Մանուկյանը նյարդայնացնում է»

Հիշեցնենք` միտքը, որ Հանրային խորհուրդն անիմաստ կառույց է, Ալեն Սիմոնյանը հնչեցրել էր նաև հոկտեմբերի 29–ին, ԱԺ–ում լրագրողների հետ ճեպազրույցի ժամանակ։

Նա նշել էր, որ այդ կառույցն ի սկզբանե անիմաստ է եղել և ստեղծվել է երևի հենց Վազգեն Մանուկյանին որևիցե գործով ապահովելու համար։

Հիշեցնենք` Վազգեն Մանուկյանը Հանրային խորհրդի նախագահի պաշտոնում առաջին անգամ նշանակվել է 10 տարի առաջ` 2009թ–ի մայիսի 29-ին`  ՀՀ նախագահ Սերժ Սարգսյանի հրամանով։  Վերջին անգամ վերանշանակվել է 2019թ–ի ապրիլի 4-ին։

2019թ. հոկտեմբերի 30-ին Վազգեն Մանուկյանը պատրաստակամություն էր հայտնել հրաժարական հայտնել, եթե Հայաստանի վարչապետ Նիկոլ Փաշինյանը հորդորեր իրեն անել դա։

Ըստ թեմայի

Կառավարությունը հանրային խորհրդի նախագահ նշանակեց
Օրենքն արձակել է ձեռքերը. Հանրային խորհուրդը պրոֆեսիոնալներին կանչում է իր թիմ
Վազգեն Մանուկյանը` Դավութօղլուին. Մտքիցդ հանի ղարաբաղյան հարցի ռազմական լուծումը
«Արման Բաբաջանյանը գործիք է քաղաքական հարցեր լուծելու համար». Վազգեն Մանուկյան
թեգերը:
«Իմ քայլը» դաշինք, Հայաստան, Վազգեն Մանուկյան, Հրաժարական, Հանրային խորհուրդ, Ալեն Սիմոնյան

Գլխավոր թեմաներ