15:21 12 դեկտեմբերի 2019
Ուղիղ եթեր
  • USD478.02
  • GBP628.02
  • EUR529.79
  • RUB7.53
Միլանի հայկական եկեղեցի մտած ադրբեջանցին

Ինչպե՞ս է ադրբեջանցին հայտնվել հայ համայնքի հետ հանդիպմանը. Կարապետյանի մեկնաբանությունը

© Photo : Screenshot / Facebook / ՀՀ կառավարություն
Քաղաքականություն
Ստանալ կարճ հղումը
608 0 0

Վարչապետի մամուլի քարտուղարը Sputnik Արմենիայի հետ զրույցում մեկնաբանել է Միլանում տեղի ունեցած միջադեպը և իր կարծիքը հայտնել դրա վերաբերյալ։

ԵՐԵՎԱՆ, 21 նոյեմբերի — Sputnik. Ինչպես բոլոր եկեղեցիներում, մեր եկեղեցում էլ մուտքը բաց է բոլորի համար։ Վարչապետ Փաշինյանի ելույթի ժամանակ ադրբեջանցու ներս մտնելու հետ կապված որևէ հարց կամ խնդիր նրա մամուլի քարտուղարը չի տեսնում։ Այս մասին ՀՀ վարչապետ Նիկոլ Փաշինյանի մամուլի խոսնակ Վլադիմիր Կարապետյանն ասաց Sputnik Արմենիայի հետ զրույցում` մեկնաբանելով երեկ Միլանում տեղի ունեցածը։

Հիշեցնենք, որ նոյեմբերի 20–ին Իտալիայի Միլան քաղաքի Քառասուն Մանկաց հայ առաքելական եկեղեցում ՀՀ վարչապետի` հայ համայնքի հետ հանդիպման ժամանակ ներս էր մտել մի ադրբեջանցի, որը ներկայացել էր բլոգեր և հարցեր է ուղղել Փաշինյանին։ Նա կոչ էր արել Հայաստանի վարչապետին «դադարեցնել պատերազմը և վերադարձնել հողերը», մեղադրել էր Հայաստանին «ադրբեջանցի ժողովրդի ցեղասպանության» մեջ։ Ադրբեջանցուն փորձել էին դուրս հրավիրել, իրարանցում էր առաջացել, սակայն վարչապետը խնդրել էր թույլ տալ նրան հանգիստ խոսել։

«Փաշինյանը հետաքրքիր է, խելացի, հնարամիտ». Աբաս Ջումա

Իր պատասխանում Փաշինյանը հայտարարել է, որ, առաջին հերթին, տեսականորեն և գործնականորեն անհնար է պատկերացնել, որ հայը կարող է մտնել սրահ, որտեղ տեղի է ունենում նման միջոցառում ադրբեջանցիների մասնակցությամբ և հարց ուղղել Ադրբեջանի նախագահին։

Երկրորդ` Փաշինյանի խոսքով` «ադրբեջանցիների ցեղասպանությունը» հայտնի սուտ է։ Եվ նույնիսկ Ադրբեջանի նախկին նախագահ Այազ Մութալիբովը ռուսական «Նեզավիսիմայա գազետային» տված հարցազրույցում ասել է, որ Խոջալուի իրադարձությունները կազմակերպել է այդ ժամանակվա ադրբեջանական ընդդիմությունը` հեղաշրջման նպատակով։

«Համաձայն չեմ, որ տեղի ունեցածը միջադեպ է, որովհետև երեկ ադրբեջանցի բլոգերին հնարավորություն ընձեռվեց հարց հնչեցնելու, և վարչապետը սիրահոժար պատասխանեց հարցին։ Ադրբեջանցին, Ադրբեջանի հասարակությունը հնարավորություն ունեցավ առաջին դեմքից լսելու մեր մոտեցումներն այն հարցերի շուրջ, որոնք իրենց մտահոգում են»,–ասաց Կարապետյանը։

Նրա խոսքով` անվտանգության առումով որևէ խնդիր չկա այս ամենում, այստեղ վարչապետի անվտանգության աշխատակիցների թերացում Կարապետյանը բացարձակապես  չի տեսնում։

Տոնոյանն ու Կասպրշիկը քննարկել են Հայաստանի ու Ադրբեջանի սահմանին տիրող իրավիճակը

«Ենթադրում եմ` նրա ներս մտնելուց անվտանգության ինչ–որ ստուգումներ եղել են, բայց անվտանգության ստուգումն ու անձնագրի կամ այլ ստուգումները տարբեր բաներ են»,–նշում է  մամուլի քարտուղարը։

Հիշեցնենք, որ նոյեմբերի 19–ին հայտնի դարձավ, որ ՀՀ վարչապետ Նիկոլ Փաշինյանը տիկնոջ՝ Աննա Հակոբյանի հետ, նոյեմբերի 20-22-ը պաշտոնական այց կկատարի Իտալիայի Հանրապետություն:

Ըստ թեմայի

«Աշխատել միասին». Փաշինյանը ներկայացրեց ղարաբաղյան հակամարտության լուծման իր բանաձևը
Ղրիմն ու Լեռնային Ղարաբաղը համեմատելը սխալ է. Ալեն Սիմոնյան
Միջադեպ Միլանում. հայ համայնքի հետ Փաշինյանի հանդիպմանը ադրբեջանցի է ներխուժել. տեսանյութ
թեգերը:
Ղարաբաղյան հակամարտություն, Լեռնային Ղարաբաղ, ադրբեջանցի, հայ, Միլան, Իտալիա, Վլադիմիր Կարապետյան, Նիկոլ Փաշինյան

Գլխավոր թեմաներ