05:49 09 ապրիլի 2020
Ուղիղ եթեր
  • USD496.58
  • GBP612.23
  • EUR539.43
  • RUB6.56
Քաղաքականություն
Ստանալ կարճ հղումը
153 0 0

ՀՀԿ փոխնախագահը վստահեցնում է, որ Փաշինյանի իշխանությունը վերադարձել է Սարգսյան–Նալբանդյան զույգի դիրքորոշմանը։

ԵՐԵՎԱՆ, 6 դեկտեմբերի – Sputnik. Արցախի խնդրի կարգավորման հարցում Նիկոլ Փաշինյանը փրկօղակ է դարձրել ՀՀ նախկին նախագահ Սերժ Սարգսյանի ժառանգությունը։ Այսօր հրավիրված ասուլիսի ժամանակ այս մասին ասաց ՀՀԿ փոխնախագահ Արմեն Աշոտյանը։

«Փաշինյան-Մնացականյան զույգի 1,5-ամյա դեգերումները հանգեցրին նրան, որ նրանք որպես փրկօղակ բռնվեցին Սարգսյան-Նալբանդյան զույգի թողած ժառանգությունից` վերահաս ճգնաժամից և պատասխանատվությունից խուսափելու համար»,– ասաց նա։

Վերլուծելով ՀՀ արտգործնախարար Զոհրաբ Մնացականյանի վերջին ելույթը (հարցի լուծումը երեք ժողովրդներին ընդունելի լինելու մտքից զատ)` Աշոտյանի մոտ տպավորություն է ստեղծվել, թե Էդուարդ Նալբանդյանն է խոսում։

«Ի՞նչ կարիք կար 1,5 տարի կորցնել, քայքայել բանակցային դիրքերը, մեծամտանալ, ասել`սեփական կետից եմ սկսում հարցի կարգավորումը և վերջում, որպես փրկօղակ, բռնվել Սերժ Սարգսյանի թողած ժառանգությունից Այսինքն՝ եթե վերնագիր է պետք, այսպես կարող ենք ասել՝ Սերժը փրկեց Նիկոլին»,-ասաց Աշոտյանը:

Նրա կարծիքով՝ Ղարաբաղյան հարցի բանակցային գործընթացում Բրատիսլավայի քննարկումը մշուշոտ է, որովհետև կար հստակ դիսոնանս մինչև ԵԱՀԿ Մինսկի խմբի համանախագահների շրջանակում բանակցային գործընթացը, և պետք է հասկանալ՝ ո՞ւմ և ի՞նչ էին խոստացել, ինչո՞ւ այդ հանդիպումն այդպես էլ ռեալ չներկայացվեց հանրությանը, ի՞նչ կատարվեց վերջում։

Աշոտյանը նշեց, որ ԵԱՀԿ Մինսկի խմբի հայտարարությունը վերջին մեկուկես տարվա ընթացքում լավագույնն է, թեև որոշ վիճահարույց կետեր ունի հայկական կողմի համար։

Հիշեցնենք` դեկտեմբերի 5-ին Սլովակիայի մայրաքաղաք Բրատիսլավայում տեղի ունեցավ Հայաստանի և Ադրբեջանի արտգործնախարարներ Զոհրաբ Մնացականյանի և Էլմար Մամեդյարովի հերթական հանդիպումը։ Ադրբեջանի արտգործնախարարն իր հետ էր տարել ղարաբաղյան խնդրի կարգավորմանն ուղղված՝ պաշտոնական Բաքվի պատկերացրած քայլերի մասին մի փաստաթուղթ, ըստ որի` առաջին քայլը պետք է լինի Լեռնային Ղարաբաղի ու Ադրբեջանի «մնացած այլ զավթած տարածքներից» հայկական զինված ուժերի լիակատար ու անվերապահ դուրսբերումը: Հաջորդ փուլում Ադրբեջանը տեսնում է Լեռնային Ղարաբաղի կարգավիճակի որոշումն Ադրբեջանի կազմում` Ադրբեջանի Սահմանադրության ու օրենսդրության համապատասխան: Արտգործնախարարների հանդիպմանը հաջորդեց ԵԱՀԿ Մինսկի խմբի հայտարարությունը` որում կողմերին կոչ էր արվում առարկայական բանակցություններ վարել։

Ըստ թեմայի

Սուրենյանց. «Ղարաբաղյան խնդրում Զատուլինի առաջարկը բավականին պրագմատիկ լուծում է»
«Աշխատել միասին». Փաշինյանը ներկայացրեց ղարաբաղյան հակամարտության լուծման իր բանաձևը
Փոխզիջման հնարավորություններ կան. Լավրովը` Ղարաբաղյան հակամարտության մասին
թեգերը:
Նիկոլ Փաշինյան, Սերժ Սարգսյան, Հայաստան

Գլխավոր թեմաներ