18:06 07 ապրիլի 2020
Ուղիղ եթեր
  • USD499.37
  • GBP614.92
  • EUR543.06
  • RUB6.62
Քաղաքականություն
Ստանալ կարճ հղումը
Ղասեմ Սոլեյմանիի սպանությունն ու Իրանի և ԱՄՆ–ի հակամարտությունը (42)
223 0 0

ՀՀ արտգործնախարարությունը հայտարարել է, որ Հայաստանը կշարունակի սերտորեն համագործակցել իր բոլոր գործընկերների հետ։

ԵՐԵՎԱՆ, 3 հունվարի – Sputnik. Հայաստանի արտգործնախարարությունը հայտարարություն է տարածել` նշելով, որ խորապես մտահոգված է վերջին շրջանում Բաղդադում տեղի ունեցած իրադարձություններով, որոնք հանգեցրել են նաև մարդկային զոհերի:

«Դրանք կարող են առավել վտանգել տարածաշրջանային խաղաղությունը և ապակայունացնել իրավիճակը Մերձավոր Արևելքում և դրանից դուրս: Հայաստանը հանդես է գալիս բացառապես խաղաղ միջոցներով իրադրության լիցքաթափման դիրքերից: Հայաստանը կշարունակի սերտորեն համագործակցել իր բոլոր գործընկերների հետ՝ ի շահ տարածաշրջանային կայունության և անվտանգության», - նշված է ԱԳՆ–ի հայտարարության մեջ:

Հիշեցնենք, որ այս գիշեր ամերիկյան ուժերը հրթիռակոծել են Իրաքի մայրաքաղաք Բաղդատի օդանավակայանի տարածքը։ Ըստ պաշտոնական հաղորդագրության` հարվածներն ուղղված են եղել մի քանի թիրախի, որոնց թվում են եղել նաև օդանավակայանի կողքով անցնող ավտոմեքենաները։ Դրանցից մեկում գտնվել է Իսլամական հեղափոխության պահապանների կորպուսի (ԻՀՊԿ) «Կուդս» հատուկ ստորաբաժանման հրամանատար, ԻԻՀ գեներալ Ղասեմ Սոլեյմանիին, որը մահացել է։

Պենտագոնը պաշտոնապես հայտարարել է, որ այդ ռազմական գործողությունն իրականացվել է ԱՄՆ նախագահ Դոնալդ Թրամփի կարգադրությամբ` «արտերկրում ԱՄՆ անձնակազմի պաշտպանության նպատակով»։

Իրանի հոգևոր առաջնորդ Ալի Խամենեին արդեն հայտարարել է, որ դաժան հակահարվածը չի ուշանա։

Հայաստանի արտգործնախարար Զոհրաբ Մնացականյանն այսօր այս թեմայով խորհրդակցություն էր հրավիրել:

Որտեղ է սպանվել իրանցի գեներալը. համացանցում լուսանկարներ են հայտնվել

թեմա:
Ղասեմ Սոլեյմանիի սպանությունն ու Իրանի և ԱՄՆ–ի հակամարտությունը (42)

Ըստ թեմայի

«Իրականում». ԱՄՆ-ն Իրանի հետ վտանգավոր խաղ է վարում ու համարյա բացահայտ սադրանքի է գնում
Ինչ հետևանքներ կունենա իրանցի գեներալի սպանությունը Հայաստանի ու տարածաշրջանի համար
Իրանում մարդիկ ցավակցում են իրար. Հայաստանը պետք է պատրաստ լինի նոր սրացումների
թեգերը:
Իրաք, Իրանի Իսլամական Հանրապետություն, ՀՀ Արտաքին գործերի նախարարություն. ԱԳՆ, Հայաստան

Գլխավոր թեմաներ