11:39 17 փետրվարի 2020
Ուղիղ եթեր
  • USD479.05
  • GBP624.39
  • EUR519.53
  • RUB7.54
Քաղաքականություն
Ստանալ կարճ հղումը
59202

Հայաստանի ընդդիմադիր դաշտը կարելի է բաժանել մի քանի սեգմենտի, որտեղ ներառված են ինչպես նախկին իշխանությունը, այնպես էլ նորաստեղծ կուսակցությունները։

ԵՐԵՎԱՆ, 10 հունվարի – Sputnik. ԱԱԾ նախկին տնօրեն Արթուր Վանեցյանը կարող է դառնալ այն քաղաքական գործիչը, որի շուրջ կհամախմբվի ընդդիմությունը։ Այսօր` հունվարի 10–ին, լրագրողների հետ զրույցում այս մասին ասաց քաղտեխնոլոգ Վիգեն Հակոբյանը։

Նրա խոսքով` 2020 թվականին Հայաստանի ընդդիմադիր դաշտում ակտիվ տրանսֆորմացիաներ կսկսվեն։ Քաղաքական ուժերը, որոնք ուզում են ապագայում ինչ–որ բանի հասնել, կսկսեն իրենց տեղը փնտրել արևի տակ։

Այդ ուժերը կարելի է բաժանել չորս սեգմենտի։ Առաջինը բաղկացած է ՀՀԿ–ից ու ՀՅԴ–ից։ Սակայն Հակոբյանը նշում է` չի կարելի ասել, որ այդ ուժերն արդյունավետ են օգտագործել 2018 ու 2019 թվականներն իրենց ռեբրենդինգի ու կադրային փոփոխությունների համար։ 

Երկրորդ սեգմենտն այն քաղաքական ուժերն են, որոնք ձևավորվել են 2018-2019 թվականներին։ Այստեղ կան ուժեր, որոնք դեռ շատ ակտիվ չեն ակադեմիական ոլորտում։ Այդ կուսակցություններն են «Ազգային օրակարգը», «Մեկ Հայաստանը»։ Ամենայն հավանականությամբ` ուրիշներն էլ կհայտնվեն։

Ընդդիմություն պետք է, բայց ոչ Սերժ Սարգսյանը ու Ռոբերտ Քոչարյանը. Ալեն Սիմոնյան

«Դրանք փորձում են ավելի ինստիտուցիոնալ դառնալ կառուցվածքի, ֆինանսական կայունության, արտաքին կապեր հաստատելու հնարավորության առումով»,–ասաց Հակոբյանը։

Եվս մեկ սեգմենտ են կազմում քաղաքական գործիչները, որոնց շուրջ կարող է ընդդիմադիր ուժ ձևավորվել։ Դա հենց նույն ԱԱԾ նախկին տնօրեն Արթուր Վանեցյանն է, որը հրաժարականի ժամանակ բացահայտ խոսեց իր քաղաքական ամբիցիաների մասին։

«Այժմ նրա գործողությունները կգնահատեի որպես հստակ զգուշավոր։ Փուլ առ փուլ, քայլ առ քայլ նա փորձում է քաղաքական դաշտ մտնել։ Քաղաքացիական հասարակության աջակցության հիմնադրամի ստեղծումը հերթական քայլն է այդ ճանապարհին», – նշեց Հակոբյանը։

Նրա կարծիքով` չի բացառվում, որ Վանեցյանը դառնա այն «պակասող օղակը», որի շուրջ ընդդիմությունը կարող է սկսել համախմբվել, հատկապես ընդդիմադիր դաշտում վառ առաջնորդների բացակայության պայմաններում։

Վերջին սեգմենտը քաղաքական ուժերն են, որոնք քաղաքացիական սեկտորից են դուրս եկել, որոնք ի սկզբանե հեղափոխության կողքին էին, իսկ այժմ դիրքավորվում են որպես օրտոդոքս հեղափոխականներ։

«Նրանք հայտարարում են, որ ուզում են պաշտպանել հեղափոխությունը ոչ միայն հակահեղափոխականներից, այլև Փաշինյանից։ Դրանք «Սասնա ծռերն» են, «Քաղաքացու որոշումը»։ Նույնիսկ պատգամավոր Արման Բաբաջանյանի ձևաչափը, ըստ էության, հեղափոխությունը հեղախոխությունից պաշտպանելն է», – նշեց Հակոբյանը։

Կրքերը չեն հանդարտվում. Ստամբուլյան կոնվենցիան` հաղթաթո՞ւղթ ընդդիմության ձեռքին

Ինչ վերաբերում է նախկին նախագահ Ռոբերտ Քոչարյանին, ապա նա սեփական պաշտպանության խնդիր ունի։ Նա դեռ չի ձգտում ակտիվ քաղաքականության, ապագայի համար կառուցվածքային ստորաբաժանումներ չի ստեղծում։

Մնում են «Լուսավոր Հայաստանն» ու «Բարգավաճ Հայաստանը»։ Առաջինը հաճախ բավականին հակասական է գործում, կտրուկ հայտարարություններին հաջորդում են նախաձեռնություններ, որոնց հետևում հստակ երևում է իշխանության ձեռագիրը։

ԲՀԿ–ն նույն ոճով է գործում. նրանց զուսպ լինելը կապված է բիզնես շահերի հետ։ Իրենք իրենց թեմաներն են գտել` ԼԳԲՏ–ի հարցեր, տնտեսություն։ Մյուս կողմից էլ պետք է նշել, որ ԲՀԿ առաջնորդ Գագիկ Ծառուկյանը մեծ ազդեցություն ունի մարզերում։

«Ընդդիմությունը զարգացման, կայունացման պրոցեսում է գտնվում». Նորայր Դունամալյան

Ըստ թեմայի

Մակունցը բացառում է, որ Վանեցյանը որևէ բան իմանար ու քայլեր չձեռնարկեր
Ինչու Արթուր Վանեցյանը ՀՀ իշխանության դեմ տեղեկությունը չի օգտագործում. փորձագետ
«Երբ հեղափոխությունը դատարկ մի պղպջակ է». Վանեցյանը կրկնել է կաթողիկոսի խոսքը
թեգերը:
Վիգեն Հակոբյան, Հայաստան, ընդդիմություն, Արթուր Վանեցյան, «Թավշյա հեղափոխություն»

Գլխավոր թեմաներ