16:28 27 հունվարի 2020
Ուղիղ եթեր
  • USD478.87
  • GBP626.79
  • EUR528.43
  • RUB7.75
Քաղաքականություն
Ստանալ կարճ հղումը
208 0 0

Իշխող «Իմ քայլը» խմբակցության երկու պատգամավորների վեճը կարող է լուծվել Սահմանադրության փոփոխությամբ։ Խմբակցության ղեկավարը հայտնել է, որ օրենսդրական նախաձեռնության հեղինակն ինքն է։

ԵՐԵՎԱՆ, 15 հունվարի - Sputnik. Կարեն Սարուխանյանի` Սոֆյա Հովսեփյանին ուղվված արտահայտություններն ընդունելի չէին։ Այսօր` հունվարի 15–ին, Աժ–ում մեկնաբանելով ԱԺ «Իմ քայլը» խմբակցության երկու անդամների միջև օրեր առաջ տեղի ունեցած միջադեպը, այս մասին ասաց խմբակցության ղեկավար Լիլիթ Մակունցը։

«Տիկին Հովսեփյանի հետ մենք զրուցել ենք, և ես հայտնել եմ իմ դիրքորոշումն այն մասին, որ պարոն Սարուխանյանի արած արտահայտությունները, բնականաբար, ընդունելի չէին, և որոնց կապակցությամբ պարոն Սարուխանյանն արդեն հրապարակավ ներողություն հայտնել է»,– ասաց Մակունցը։

Նա նաև նշեց, որ միջադեպը խմբակցությունում չի քննարկվել, քանի որ կարգապահական հարցերը, նրա խոսքով, լուծում են ստանում կուսակցության մակարդակով և հենց այդ մակարդակում էլ արդեն լուծվել են։

«Մեզ ուղղված անձնական վիրավորանքներ են եղել». Լիլիթ Մակունց

Ինչ վերաբերում է ԱԺ–ում էթիկայի ժամանակավոր հանձնաժողով ստեղծելու առաջարկին` Լիլիթ Մակունցը հայտնեց, որ ինքն առաջիկայում հանդես է գալու ԱԺ–ում մշտական հանձնաժողով ստեղծելու օրենսդրական նախաձեռնությամբ ։ 

Ու թեև դա հնարավոր է միայն Սահմանադրության փոփոխության արդյունքում, Լիլիթ Մակունցը համոզված է` հարցի լուծման համար դա էլ արժե անել։

«Ընդդիմադիր խմբակցություններին առնչվող դեպքեր եղել են, երբ ժամանակավոր հանձնաժողովում հարցի քննարկումը կարող էր մեկնաբանվել որպես քաղաքական հետապնդում, ու նման դեպքերում մենք ինքներս հրաժարվել ենք այդ մտադրությունից։ Այդ է պատճառը, որ, որպեսզի դա որևէ կերպ չմեկնաբանվի ո՛չ որպես քաղաքական հետապնդում, ո՛չ որպես կողմնակալ վերաբերմունք, անհրաժեշտություն է առաջանում էթիկայի մշտական հանձնաժողով ստեղծելու, եթե անգամ դա առաջարկում է Սահմանադրական փոփոխություն, որը կարող է առաջարկել ԱԺ–ն»,– ասաց Մակունցը։

Հիշեցնենք`ԱԺ «Իմ քայլը» խմբակցության շիրակցի երկու պատգամավորների միջև Facebook-ում թեժ վիճաբանություն էր ծավալվել Մարալիկի ծննդատան փակման որոշման շուրջ։ Շիրակի նախկին փոխմարզպետ Սոֆյա Հովսեփյանի գրածին Շիրակի նախկին մարզպետ Կարեն Սարուխանյանը բավական բուռն էր արձագանքել։

«Ամուսնացիր՝ կանցնի». իմքայլական պատգամավորների բանավեճը սոցցանցում «բոլոլա» է դարձել

Նա Հովսեփյանին մեղադրել էր ստախոսության մեջ ու 2 խորհուրդ տվել.

«1. Հարգիր քո կարգավիճակը և այսուհետ խոսիր ոչ թե բամբասանքների լեզվով, այլ փաստերով և ապացույցներով։

2. Ամուսնացիր` կանցնի»։

Նշենք, որ թեև դրանից հետո հայտարարվեց, որ նախկին մարզպետը ներողություն է խնդրել, բայց Սոֆյա Հովսեփյանը լրագրողներին ասել էր, որ այդ ներողությունն իրեն չի բավարարել։

Ըստ թեմայի

Ես պետք է պաշտպանեմ մարդկանց շահերը, և ոչ ոք չի կարող խոչընդոտել. Սոֆյա Հովսեփյան
«Սարուխանա կարտոլն» ու հայ–ռուսական հարաբերությունները, կամ ժողովուրդը միշտ ճիշտ է
Գնահատեք միայնակ կնոջը, որը չի նախընտրում տխմար ու անորակ կոմպրոմիսը. Նազենի Հովհաննիսյան
թեգերը:
Պատգամավոր, Կարեն Սարուխանյան, Սոֆյա Հովսեփյան, Լիլիթ Մակունց, սահմանադրություն, «Իմ քայլը» դաշինք

Գլխավոր թեմաներ