10:31 21 փետրվարի 2020
Ուղիղ եթեր
  • USD478.37
  • GBP617.34
  • EUR516.69
  • RUB7.50
Քաղաքականություն
Ստանալ կարճ հղումը
Ղարաբաղյան հակամարտություն (323)
8510

Նախկին նախարարի խոսքով` զիջումների մասին երբևէ որևէ մեկն իր հետ խոսակցություն չի ունեցել։

ԵՐԵՎԱՆ, 29 հունվարի — Sputnik. ՀՀ պաշտպանության նախկին նախարար Սեյրան Օհանյանը վստահեցնում է, որ Արցախի զիջումների խնդիրը բանակցության առարկա չէ։ Նա իր տեսակետը լրագրողներին հայտնեց ԱԺ Ապրիլյան պատերազմի հանգամանքների ուսումնասիրության քննիչ հանձնաժողովից դուրս գալուց հետո։

«Եթե Արցախի հետ մի բան պատահի, յուրաքանչյուր թիզ հողի համար մենք պետք է պայքարենք։ Այսօր էլ զիջումների խնդիրը բանակցության առարկա չէ: Եթե խոսքը փաստաթղթերի մասին է, ապա դրանք եղել են, որպեսզի ինչ-որ փաստաթղթի շուրջ բանակցեն։ Իսկ տարածքների հանձնման վերաբերյալ ինձ հետ երբևէ որևէ խոսակցություն չի եղել», - ասաց նա:

Հիշեցնենք` հունվարի 25-ին, Սյունիքում տեղի ունեցած ասուլիսի ընթացքում ՀՀ վարչապետ Նիկոլ Փաշինյանը մեջբերել էր մամուլում հրապարակված բանակցային փաստաթղթից որոշ հատվածներ, որոնք, նրա ձևակերպմամբ, Սերժ Սարգսյանի թողած Ղարաբաղյան բանակցային գործընթացի ժառանգությունն են։

«Հայոց բանակն այս հայրենիքը նվաճել է ոչ կորստյան մատնելու համար». Փաշինյանի շնորհավորանքը

Ըստ մեջբերման` փաստաթուղթը նախատեսում է ԼՂ 7 շրջանների` Աղդամի, Ֆիզուլիի, Զանգելանի, Ղուբաթլիի, Ջեբրայիլի, Քելբաջարի և Լաչինի վերադարձը Ադրբեջանին, պայմանով, որ պահպանվում է Ղարաբաղը Հայաստանին կապող միջանցքը։

Նախատեսվում է նաև կողմերի միջև համաձայնեցված ժամկետներում, ՄԱԿ–ի կամ ԵԱՀԿ–ի հովանու ներքո, ԼՂ ողջ բնակչության ազատ կամարտահայտությունը հանդիսացող համընդհանուր քվեարկության անցկացման միջոցով, ԼՂ վերջնական իրավիճակի որոշումը, որը կլինի իրավական առումով պարտադիր և կհամապատասխանի միջազգային իրավունքի նորմերին ու սկզբունքներին` նկատի ունենալով, որ քվեարկության դրված հարցը կամ հարցերը չպետք է սահմանափակվեն և կարող են ներառել կարգավիճակին վերաբերող բոլոր տարբերակները։

Մեջբերված փաստաթղթի համաձայն` նախատեսվում է, որ Ադրբեջանի իշխանությունները կմտնեն վերոհիշյալ 7 շրջանները` այն բանից հետո, երբ այնտեղ կտեղակայվեն միջազգային խաղաղապահ ուժերը և դուրս կհանվեն ներկայում այնտեղ գտնվող զինված ուժերը։

Փաշինյանը շեշտել էր, որ մամուլում հրապարակվելուց հետո նախորդ իշխանությունը չի հերքել այս փաստաթղթի գոյությունը։

թեմա:
Ղարաբաղյան հակամարտություն (323)

Ըստ թեմայի

«Դու հերոսի մայր ես, սա քո օրն է»․ ինչու՞ են հայերը Բանակի օրը նշում Եռաբլուրում
Զոհրաբ Մնացականյանը Ժնևում հանդիպել է ԵԱՀԿ Մինսկի խմբի համանախագահների հետ
Արցախում 32 սպայի բնակարանների բանալիներ են հանձնել. ներկա էր նաև ՀՀ վարչապետը
թեգերը:
Լեռնային Ղարաբաղ, Ղարաբաղյան հակամարտություն, Ապրիլյան քառօրյա պատերազմ, Սեյրան Օհանյան

Գլխավոր թեմաներ