06:53 04 ապրիլի 2020
Ուղիղ եթեր
  • USD502.97
  • GBP618.25
  • EUR543.86
  • RUB6.56
Քաղաքականություն
Ստանալ կարճ հղումը
12901

«Ոչ»–ի ճամբարում են բացառապես իրավաբաններ։ Նրանք հանրաքվեի գործընթացը համարում են ոչ իրավաչափ։

ԵՐԵՎԱՆ, 18 փետրվարի — Sputnik. 61 իրավաբաններից բաղկացած նախաձեռնող խումբը` Արցախի նախկին մարդու իրավունքների պաշտպան Ռուբեն Մելիքյանի գլխավորությամբ, այսօր սահմանադրական փոփոխությունների հանրաքվեի «Ոչ»–ի ճամբար ստեղծելու փաստաթղթեր ներկայացրեց Կենտրոնական ընտրական հանձնաժողով։

«Ես ինչպես նախկինում, այնպես էլ հիմա հայտարարաում եմ, որ հանրաքվեին տանող ողջ գործընթացը ոչ իրավաչափ է։ Մեր նախաձեռնող խումբը կազմված է բացառապես իրավաբաններից, մարդկանցից, որոնք պրոֆեսիոնալ գործունեություն են ծավալում։ Խոսքը վերաբերում է պետական համակարգից դուրս գործող իրավաբաններին»,–լրագրողներին հայտնեց Մելիքյանը։

Ի դեպ, Մելիքյանը Facebook սոցցանցի իր էջում հրապարակել է «Ոչ»–ի ճամբարի նախաձեռնող խմբում ընդգրկված մարդկանց առաջին տասնյակի անունները` Ռուբեն Մելիքյան, Գոհար Մելոյան, Արսեն Բաբայան, Էլինար Վարդանյան, Տիգրան Աթանեսյան, Աստղիկ Մաթևոսյան, Արտակ Ասատրյան, Սիրանույշ Սահակյան, Անահիտ Սարգսյան, Արսեն Մկրտչյան։

ԲՀԿ-ն չի մասնակցի սահմանադրական փոփոխությունների հանրաքվեին

ԿԸՀ քարտուղար Արմեն Սմբատյանը Facebook սոցցանցի իր էջում գրառում է արել` տեղեկացնելով, որ այսօր առավոտյան ժամը 9:13-ին ԿԸՀ-ն «Ոչ» քարոզչական կողմ գրանցվելու դիմում է ստացել:

Հիշեցնենք` ՀՀ ԱԺ-ն փետրվարի 6-ին արտահերթ նիստում ընդունեց Սահմանադրական փոփոխությունների նախագիծը հանրաքվեի դնելու որոշումը։ Նախագծով առաջարկվում է 2015 թվականի դեկտեմբերի 6-ին փոփոխված Սահմանադրության 213-րդ հոդվածը շարադրել նոր խմբագրությամբ և ներկայացնել այսպես. «Մինչև Սահմանադրության 7-րդ գլխի ուժի մեջ մտնելը նշանակված ՍԵԴ նախագահի և անդամների պաշտոնավարումը դադարում է»:

ՀՀ նախագահ Արմեն Սարգսյանը փետրվարի 9–ին ստորագրեց նախագիծը։ Հանրաքվեն կանցկացվի ապրիլի 5–ին։

Հրայր Թովմասյանը հրաժարական կտա՞ մինչև հանրաքվեն. պատասխանում է ՍԴ նախագահի խորհրդականը

Ըստ թեմայի

Մուկուչյանի ֆենոմենը, կամ ինչն է դժվար լինելու նրա համար հանրաքվեի գործընթացում
Փաշինյանը վստահեցնում է, որ սահմանադրական հանրաքվեն կզարգացնի տնտեսությունն ու տուրիզմը
ՀՅԴ–ն հորդորում է անտեսել հանրաքվեն
Բաղդասարյան. «Պետք չէ թույլ տալ, որ դեսպանատներում ՀՀ քաղաքացիները մասնակցեն հանրաքվեին»
թեգերը:
Հրայր Թովմասյան, Սահմանադրական դատարան, Սահմանադրական փոփոխությունների նախագիծ, Հայաստան, Կենտրոնական ընտրական հանձնաժողով (ԿԸՀ), Ռուբեն Մելիքյան, հանրաքվե

Գլխավոր թեմաներ