06:49 14 հուլիսի 2020
Ուղիղ եթեր
  • USD486.54
  • GBP613.24
  • EUR550.71
  • RUB6.86
Քաղաքականություն
Ստանալ կարճ հղումը
247407

Սերժ Սարգսյանի փեսան որոշել է տեսանյութերի շարքով հանդես գալ ու պատմել այնպիսի բաներ, որոնք հետաքրքրում են մարդկանց։

ԵՐԵՎԱՆ, 2 մայիսի – Sputnik. ՀՀ երրորդ նախագահ Սերժ Սարգսյանի փեսան` Վատիկանում Հայաստանի նախկին դեսպան Միքայել Մինասյանը, Facebook սոցիալական ցանցում տեսանյութ է հրապարակել, որում պատմում է ՀՀ ԱԱԾ նախկին տնօրեն Արթուր Վանեցյանի հետ հանդիպման մասին։

Նա իր տեսաուղերձը վերնագրել է այսպես. «Ես, Վանեցյանը և Փաշինյանը. մերժված առաջարկ»։

«Որոշել եմ սկսել տեսանյութերի շարք և պատմել բաներ, որոնք հետաքրքրում են ձեզ։ Խոստանում եմ լինել շատ ազնիվ։ Մեր առաջին զրույցը կսկսեմ Արթուր Վանեցյանի հետ հանդիպումից։ Ես Վանեցյանի հետ հանդիպել եմ Հռոմում 2019 թվականին։ Այդ հանդիպման մասին Վանեցյանը հետո հայտարարեց և ասաց, որ հանդիպել է Նիկոլ Փաշինյանի հանձնարարությամբ։ Վանեցյանը զանգեց, ասաց, որ գիտեմ` Հռոմում ես, ուզում եմ հանդիպել։ Ես ասացի` ի՞նչն է թեման։ Ասաց` Նիկոլ Փաշինյանը քեզ մեսիջ ունի։ Ասացի` շատ լավ։ Եկավ, հանդիպեցինք սրճարանում։ Ասաց` ես այստեղ եմ որպես ԱԱԾ տնօրեն և իրավասու եմ խոսել Փաշինյանի անունից։ Մենք քեզ առաջարկ ունենք` դու մուծում ես սիմվոլիկ գումար, կքննարկենք` ոնց, և դրանից հետո դու  երբեք չես գալիս Հայաստան»,– պատմեց Մինասյանը։

«Թող որևէ մեկը չփորձի ինձ կապել Միքայել Մինասյանի հետ». Վանեցյան

Նրա խոսքով` պայմանը եղել է մեկը, որ բոլոր այն մարդիկ, որոնք այս կամ այն կերպ առնչվում են իր հետ, դադարեն պայքարել Փաշինյանի դեմ։

«Ես ուզում եմ պատմել, թե ինչու եմ ես մերժել Վանեցյանին ու Փաշինյանին։ Ես մերժել եմ, որովհետև չէի կարող լավ ապրել, երբ իմ ժողովուրդն ու հայրենիքը այս վիճակում են։ Ես երբեք չեմ կարող պայմանավորվել ստախոս, անպատասխանատու մարդկանց հետ»,– նշեց Մինասյանը։

Նա վստահեցրեց, որ ինքը կարող է մարդկանց աչքերի մեջ նայելով ասել, որ երբեք չի թալանել, չի գողացել ու ձեռքերը չի մտցրել Հայաստանի բյուջեի մեջ։

Հիշեցնենք, որ Միքայել Մինասյանը որպես մեղադրյալ է ներգրավվել Պետական եկամուտների կոմիտեի քննչական վարչությունում քննվող քրգործի շրջանակում միանգամից 3 հոդվածով: Նրա պաշտպաններից Ամրամ Մակինյանը Sputnik Արմենիային հայտնել էր, որ զավեշտ է եղածը, քանի որ տեխնիկական սխալն ապօրինի հարստացում է որակվել։ Մեղադրանքի անհիմն լինելու հետ կապված պաշտպանն իր տեսակետը ներկայացրել է ինչպես վարույթն իրականացնող մարմնին, այնպես էլ ՀՀ գլխավոր դատախազությանը։

ԱԺ փոխխոսնակը կոչ արեց չհավատալ Միքայել Մինասյանի հեռուստաալիքներին ու կայքերին

Ըստ թեմայի

Որտե՞ղ է Միքայել Մինասյանը. ՀՀ գլխավոր դատախազն ասաց` ինչ է հայտնի իրենց
Վարչապետի մամուլի խոսնակը խոստացել է մեկնաբանել իրեն դատի տալու՝ Վանեցյանի որոշումը
Ի՞նչ է ուզում Արփինե Հովհաննիսյանը Նիկոլ Փաշինյանից. նա նամակ է գրել վարչապետին
Հայաստանի իրավապահ համակարգն աննախադեպ բացահայտման է պատրաստվում. ՀՀ գլխավոր դատախազ
թեգերը:
Նիկոլ Փաշինյան, Արթուր Վանեցյան, տեսանյութ, Միքայել Մինասյան

Գլխավոր թեմաներ