10:27 06 հուլիսի 2020
Ուղիղ եթեր
  • USD483.84
  • GBP602.38
  • EUR543.30
  • RUB6.81
Քաղաքականություն
Ստանալ կարճ հղումը
140 0 0

Ալեն Սիմոնյանն առավել քան վստահ է, որ ՀՀ քաղաքացիների և իշխանության համար ավելի լավ կլինի, որ ընդդիմադիր ուժերի «բյուրեղացում» տեղի ունենա և բոլորն իմանան`ով ով է։

ԵՐԵՎԱՆ, 6 հունիսի — Sputnik. ՀՀ ԱԺ փոխնախագահ Ալեն Սիմոնյանը «Իմ քայլը» խմբակցության նիստից հետո լրագրողների հետ հանդիպման ժամանակ ասաց, որ նիստի ընթացքում քննարկվել է կորոնավիրուսային իրավիճակը և դրա ազդեցությունը քաղաքական դաշտի վրա։

«Օրակարգում կային 3-4 հարցեր և իհարկե քննարկվեց պարոն Ծառուկյանի երեկվա հայտարարությունը։ Ուզում եմ ասել, որ ՀՀ-ում իշխանությունը, կառավարությունը փոխում է մի սուբյեկտ, որը ՀՀ քաղաքացին է, ոչ թե գործարար, աշխատուժ կամ մի խումբ մարդիկ։ Հայտարարությունը Գագիկ Ծառուկյանի անձնական կարծիքն է, կարծում եմ` հիմնված է նախկին հիշողության վրա, երբ ինքը համագործակցում էր Հանրապետական կուսակցության հետ երկար տարիների ընթացքում և նման հայտարարություններով միգուցե սակարկումների, խոսակցությունների սկիզբ էր դնում։ Այս պարագայում դա այդ դեպքը չէ։ Շուտով կտեսնեք, թե ինչ կլինի քաղաքական դաշտում ու համացանցում տեղ գտած լուրերի և ասեկոսեների հետ կապված»,-ասաց Սիմոնյանը։

«Մեր պաշտոնը չենք օգտագործել բիզնեսներ հիմնելու ու խլելու համար»․ Մակունցը՝ Ծառուկյանին

Անդրադառնալով հարցին` արդյո՞ք իշխանությունը Ծառուկյանից սպասում էր նման հայտարարություն, Սիմոնյանը պատասխանեց, որ կատարվածը, կարելի է ասել, իրենց ուրախացնում է, այլ կերպ ասած՝ դա քաղաքական դաշտում քաղաքական ուժերի կոորդինատների ճշտումն է։

«Մենք միշտ իմացել ենք, որ մեր հուսալի դաշնակիցը ՀՀ քաղաքացին է։ Մենք երբևիցե իրենց չենք դավաճանել, ու չենք դավաճանելու։ Այս իրավիճակում քաղաքական դիվիդենտներ շահելու գործընթացն այդքան էլ ճիշտ չէ ու չի մոռացվելու»,-ասաց Սիմոնյանը։

Անդրադառնալով որոշ քաղաքական գործիչների ելույթներին, թե պատրաստ են հանդիպել խնդրով հետաքրքրված քաղաքական ուժերի հետ, Սիմոնյանն ասաց, որ վստահ է, որ այդ հանդիպումներն արդեն իսկ տեղի են ունեցել։ Նա հայտարարեց, որ ՀՀ քաղաքացիների և իշխանության համար ավելի լավ կլինի, որ այդ ընդդիմադիր ուժերի բյուրեղացում տեղի ունենա և բոլորն իմանան, թե ով ով է։

Հիշեցնենք` երեկ ԲՀԿ առաջնորդ Գագիկ Ծառուկյանն ասել էր, որ իշխանության անդամների 100 տոկոսը պետք է փոխվի, քանի որ բոլոր ոլորտները ձախողված են։

Նրա խոսքով` կառավարությանը հնարավորություն էր տրված, որ կարողանար ժողովրդի սպասելիքներն իրականացնել, սակայն ոչինչ չի ստացվել։

Իրավիճակին արձագանքել էր նաև ԱԱԾ նախկին տնօրեն, «Հայրենիք» կուսակցության նախագահ Արթուր Վանեցյանը
Yerkir.am-ի հետ զրուցել էր ՀՅԴ վերջին հայտարարության, ՀՀ իշխանությունների ձախողումների և ստեղծված իրավիճակից դուրս գալու ուղիների վերաբերյալ։

ՀՅԴ–ն առաջարկում էր հրավիրել Ազգային ժողովի հատուկ նիստ, քննարկել և գնահատական տալ կառավարությանն ու վարչապետի գործունեությանը կորոնավիրուսի համավարակի դեմ պայքարի գործում, ինչպես նաև պատասխանատվության կանչել գործը ձախողած պաշտոնյաներին։

Վանեցյանն առաջարկը տեղին է համարում․ վստահ է՝ իր կուսակցությունն ու ՀՅԴ–ն կհամագործակցեն

Ըստ թեմայի

Ալեն Սիմոնյանի ու Արթուր Դանիելյանի միջադեպի քննությամբ կզբաղվի ՀՔԾ–ն. գլխավոր դատախազ
Ալեն Սիմոնյանը պատասխանել է Վատիկանում Հայաստանի նախկին դեսպան Միքայել Մինասյանին
Ալեն Սիմոնյանը սպասում է Էդմոն Մարուքյանի ու Անի Սամսոնյանի ներողությանը
թեգերը:
Արթուր Վանեցյան, Հայաստան, կորոնավիրուս, «Իմ քայլը» խմբակցություն, Գագիկ Ծառուկյան, Ալեն Սիմոնյան

Գլխավոր թեմաներ