ԵՐԵՎԱՆ, 23 հոկտեմբերի - Sputnik. ՌԴ-ում Հայաստանի դեսպան Վարդան Տողանյանն ու ՌԴ փոխարտգործնախարար Օլեգ Սիրոմոլոտովը քննարկել են Լեռնային Ղարաբաղում տիրող իրավիճակն ու ընդգծել հակամարտության գոտուց Մերձավոր Արևելքից ու Հյուսիսային Աֆրիկայից բերված գրոհայինների դուրսբերման անհրաժեշտությունը, տեղեկացնում են արտգործնախարարության լրատվական ծառայությունից։
«Հոկտեմբերի 23-ին տեղի է ունեցել Ռուսաստանի արտաքին գործերի նախարարի տեղակալ Օլեգ Սիրոմոլոտովի ու Ռուսաստանի Դաշնությունում Հայաստանի Հանրապետության արտակարգ և լիազոր դեսպան Վարդան Տողանյանի հանդիպումը։ Կողմերը մտքեր են փոխանակել ղարաբաղյան հակամարտության գոտում շարունակվող էսկալացիայի շուրջ»,-տեղեկացրել են ՌԴ ԱԳՆ-ից։
Ռուսաստանի կողմից Մինսկի խմբի համանախագահը մեկնել է ԱՄՆ՝ Ղարաբաղի հարցով հանդիպման
«Ընդգծվել է Մերձավոր Արևելքի ու Հյուսիսային Աֆրիկայի մի շարք երկրներից տարածաշրջան անօրինական զինված խմբավորումների գրոհայիններ բերելու անթույլատրելիությունը ու նրանց անհապաղ հեռացնելու անհրաժեշտությունը»,-նշված է հաղորդագրության մեջ։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 23-ի ժամը 14։30-ի դրությամբ` հակառակորդի կրակոցների հետևանքով զոհվել են 927 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6539 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 206 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 588 տանկ և ՀՄՄ:
Հայը, «սիրիացին» ու բելառուսը. «հին գելերը» մեկնել են առաջնագիծ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Պատերազմ Արցախում` առանց սեփական զինվորների. ո՞րն է Էրդողանի գերնպատակը
