12:41 28 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70
Քաղաքականություն
Ստանալ կարճ հղումը
358 0 0

Մարդու իրավունքներն ու դրանց պաշտպանությունը համընդհանուր են և պայմանավորված չեն տվյալ տարածքի կարգավիճակով։

ԵՐԵՎԱՆ, 30 հոկտեմբերի - Sputnik. ՀՀ ԱԳ նախարար Զոհրաբ Մնացականյանը Ժնևում հանդիպել է Կարմիր խաչի միջազգային կոմիտեի նախագահ Փեթեր Մաուերի հետ։ Տեղեկությունը հայտնում է ՀՀ ԱԳՆ մամուլի ծառայությունը։ Հանդիպման առանցքում Լեռնային Ղարաբաղի հակամարտության գոտում Ադրբեջանի կողմից սանձազերծված լայնամասշտաբ ագրեսիայի հետևանքով ստեղծված իրավիճակն էր:

«ԱԳ նախարար Զոհրաբ Մնացականյանը ԿԽՄԿ նախագահ Փեթեր Մաուերին հանգամանալից տեղեկատվություն հաղորդեց Արցախի ժողովրդի դեմ Ադրբեջանի կողմից իրականացվող ռազմական հանցագործությունների և միջազգային մարդասիրական իրավունքի, այդ թվում Ժնևի կոնվենցիայի կոպտագույն խախտումների վերաբերյալ: Նախարար Մնացականյանն իր զրուցակցին ծանոթացրեց Ադրբեջանի զինված ուժերի կողմից Արցախի քաղաքացիական բնակչության և ենթակառուցվածքների դիտավորյալ թիրախավորման և դրա հետևանքով պատճառված վնասների, նրանց նկատմամբ միջազգային կոնվենցիաներով արգելված զինատեսակների կիրառման, իր իսկ վերահսկողության ներքո հայտնված Արցախի քաղաքացիական բնակչության, ռազմագերիների նկատմամբ նվաստացուցիչ վերաբերմունքի, խոշտանգումների և սպանությունների փաստերին»,- նշված է հաղորդագրության մեջ։

Զոհվածների վերադարձի և գերիների փոխանակման թեմայով ԵԱՀԿ ՄԽ–ն կապի մեջ է Կարմիր խաչի հետ

Նախարարն ընդգծել է՝ մարդու իրավունքներն ու դրանց պաշտպանությունը համընդհանուր են և պայմանավորված չեն տվյալ տարածքի կարգավիճակով։ Մնացականյանը շեշտել է՝ ցանկացած այլ մեկնաբանություն կտրականապես անընդունելի է:

ԱԳ նախարարը խոսել է նաև Թուրքիայի մասնակցության ու տարածաշրջանն ահաբեկչության օջախ դարձնելու նկրտումների մասին։ ՀՀ արտաքին գերատեսչության ղեկավարն ընդգծել է, որ սա լուրջ սպառնալիք է տարածաշրջանային և միջազգային անվտանգության համար։

Կողմերն ընդգծել են կրակի անհապաղ դադարեցման վերաբերյալ արդեն երեք անգամ՝ հոկտեմբերի 10-ին, 17-ին և 25-ին ձեռք բերված պայմանավորվածությունների կյանքի կոչման ու բանակցություններին վերադառնալու անհրաժեշտությունը։

ԿԽՄԿ նախագահը կարևորել է զոհվածների մարմինների հավաքագրման ու փոխանակման պայմանավորվածության կատարմանն ուղղված դիվանագիտական ջանքերը:

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

Ըստ թեմայի

Կարմիր խաչը պատրաստ է ստանձնել միջնորդի դեր մարդկանց ու դիերի վերադարձի հարցում
Ստեփանակերտում «Սմերչի» մի քանի հրթիռ է պայթել Կարմիր խաչի գրասենյակի հարևանությամբ
Տոնոյանն ու Կարմիր խաչի անդամները քննարկել են գերիների և զոհերի փոխանակման ընթացակարգերը
թեգերը:
Արցախյան պատերազմ, Զոհրաբ Մնացականյան, Կարմիր խաչ

Գլխավոր թեմաներ