11:18 26 փետրվարի 2021
Ուղիղ եթեր
  • USD526.97
  • GBP746.93
  • EUR643.96
  • RUB7.16
Քաղաքականություն
Ստանալ կարճ հղումը
Ադրբեջանական ագրեսիան Արցախում - 2020 (2226)
712 0 0

Մհեր Գրիգորյանն անդրադարձել է Նիկոլ Փաշինյանի` ՌԴ նախագահին ուղղված նամակին։ Փոխվարչապետը հայտնել է, որ Ռուսաստանին դիմելուց առաջ վերլուծել են իրավիճակը։

ԵՐԵՎԱՆ, 2 նոյեմբերի — Sputnik. Ռուսաստանին դիմելու պահը որոշվել է` ելնելով ռազմական իրավիճակից, այն բանից, ինչ կատավում է հիմա։ Լրագրողների հետ ճեպազրույցում ասաց ՀՀ փոխվարչապետ Մհեր Գրիգորյանը` պատասխանելով հարցին, թե ինչո՞ւ որոշվեց դիմել ՌԴ–ին պատերազմը սկսելուց մեկ ամիս անց։

Հաշվի առնելով մարտական գործողությունների` Հայաստանի սահմանին մոտենալը, վարչապետ Նիկոլ Փաշինյանը նամակով դիմել էր ՌԴ նախագահ Վլադիմիր Պուտինին` սկսելու անհապաղ խորհրդակցություններ, դրանց միջոցով սահմանելու աջակցության տեսակները և չափը, որը Ռուսաստանը կարող է հատկացնել Հայաստանին իր անվտանգության ապահովման համար՝ հիմք ընդունելով Հայաստանի և Ռուսաստանի միջև դաշնակցային հարաբերությունները և 1997թ. օգոստոսի 29-ի պայմանագիրը։

«Ինչ–որ պահ է եղել, երբ կուտակումները վկայել են այն մասին, որ արդեն իսկ պետք է դիմել Ռուսաստանին։ Երևի կար իրավիճակ, որն իրենից վտանգ էր ներկայացնում, այդ թվում` Հայաստանի սահմանների համար»,–ասաց Գրիգորյանը։

Ռուսաստանին դիմելուց առաջ, ըստ Գրիգորյանի, քննարկել են իրավիճակը, և զինվորականների վերլուծությունն այդ առումով մեծ նշանակություն է ունեցել։

Ռուսաստանի հետ դաշնակցային կապը թուլացե՞լ է. պատասխանում է Փաշինյանը

Հիշեցնենք, որ ի պատասխան Փաշինյանի նամակի` ՌԴ արտգործնախարարությունը հայտնել էր, որ համաձայն ՀՀ-ի և ՌԴ-ի միջև կնքված համաձայնագրի՝ Ռուսաստանն անհրաժեշտ օգնություն կցուցաբերի, եթե ռազմական բախումները տեղափոխվեն անմիջապես ՀՀ տարածք։

Սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Նոյեմբերի 1-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 45 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6997 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 241 անօդաչու սարք, 16 ուղղաթիռ, 25 ինքնաթիռ, 669 տանկ և ՀՄՄ, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

թեմա:
Ադրբեջանական ագրեսիան Արցախում - 2020 (2226)

Ըստ թեմայի

Խոսքը ՀԱՊԿ-ի մասին չէ. Հայաստանն աջակցության համար Ռուսաստանին է դիմել․ Տողանյան
Ռուսաստանը կօգնի՞ Հայաստանին. մեկնաբանում է Փաշինյանի գլխավոր խորհրդականը
Հիմա արդեն բոլորն էլ հասկանում են, որ Հայաստանի միակ դաշնակիցը Ռուսաստանն է. Սարգսյան
թեգերը:
Արցախյան պատերազմ, Նիկոլ Փաշինյան, Ռուսաստան

Գլխավոր թեմաներ