14:39 03 դեկտեմբերի 2020
Ուղիղ եթեր
  • USD509.14
  • GBP679.29
  • EUR613.77
  • RUB6.73
Քաղաքականություն
Ստանալ կարճ հղումը
1034 0 0

Լուսինե Բադալյանը որոշում կայացրել է դեռ նոյեմբերի 10-ի գիշերը, բայց որոշ իրադարձությունների արդյունքում չի գնացել այդ քայլին:

ԵՐԵՎԱՆ, 16 նոյեմբերի - Sputnik. ԱԺ «Իմ քայլը» խմբակցության ևս մեկ պատգամավոր հայտարարել է, որ պատրաստվում է վայր դնել մանդատը: Լուսինե Բադալյանը գրել է, որ եթե «Իմ Քայլը» հենց այս պահին անհապաղ գործուն քայլեր չձեռնարկի, նա վայր է դնելու իր մանդատը։

«Դիմում եմ ԱԺ նախագահ պարոն Արարատ Միրզոյանին. ես դեռևս այն չարաբաստիկ գիշերը գրել էի իմ դիմումը, հիշու՞մ եք, բայց երբ Ձեր նկատմամբ տեղի ունեցավ բռնություն, ես այն հետ վերցրի, որովհետև Ձեզ այդ վիճակում միայնակ թողնելն առնվազն անարդարացի կլիներ։


ՀՀ վարչապետի վերջին գրառումից հետո, ես ստիպված եմ կայացնել որոշում և հուսով եմ` Դուք ինձ կհասկանաք` որպես Ձեր ուսանողական ընկեր, որպես ձեզ հետ երբեմն նույնիսկ դժվար ճանապարհ անցած մարդ»,- գրել է Բադալյանը:

Նշենք, որ մանդատից հրաժարվելու որոշման մասին քիչ առաջ Facebook-ում հայտնել էր նաև «Իմ քայլի» պատգամավոր Գայանե Աբրահամյանը:

Գրեթե միաժամանակ կուսակցությունից ու աշխատանքից հեռանալու որոշման մասին էր հայտնել նաև ՀՀ փոխվարչապետ Տիգրան Ավինյանի գրասենյակի ղեկավար Վարագ Սիսեռյանը:

Իսկ «Իմ քայլի» պատգամավոր Թագուհի Թովմասյանը հայտաարել է, որ դուրս է գալիս իշխող խմբակցությունից:

Հրաժարականների այս հայտարարությունները հաջորդեցին ՀՀ վարչապետ Նիկոլ Փաշինյանի Facebook-ում կատարած այն գրառմանը, թե ինքը Երևանում սպասում է արցախյան առաջնագծի զինվորներին, որը ՀՀ ՄԻՊ Արման Թաթոյանը որակել էր որպես քաղաքացիական բախումների կոչ:

թեգերը:
մանդատ, Պատգամավոր, «Իմ քայլը» խմբակցություն, Լուսինե Բադալյան

Գլխավոր թեմաներ