23:35 10 ապրիլի 2021
Ուղիղ եթեր
  • USD532.78
  • GBP729.96
  • EUR633.58
  • RUB6.90
Քաղաքականություն
Ստանալ կարճ հղումը
Իրադրությունը Հայաստանում և Արցախում հայտարարության ստորագրումից հետո (814)
327 0 0

Իշխան Սաղաթելյանը խոսեց ընդդիմության անելիքների մասին` ևս մեկ անգամ Փաշինյանի կոչ անելով անցնցում հեռանալ։

ԵՐԵՎԱՆ, 8 դեկտեմբերի – Sputnik. Նիկոլ Փաշինյանին հրաժարականի համար տրված վերջնաժամկետը այսօր ժամը 12։00-ին լրացել է, ու Փաշինյանը հրաժարական չի ներկայացրել։ Այս մասին քիչ առաջ ուղիղ եթերում հայտարարեց ՀՅԴ ԳՄ ներկայացուցիչ Իշխան Սաղաթելյանը` ներկայացնելով Հայրենիքի փրկության շարժման ուղերձը։

«Այս պահից սկսած մինչև 17։00–ն ՀՀ քաղաքացիներն ունեն լեգիտիմ իրավունք` իրենց խաղաղ անհնազանդության բողոքի ակցիաներն ու գործողություններն անելու»,– ասաց Սաղաթելյանը։

Նա նաև իրավապահներին կոչ արեց ապահովել ՀՀ քաղաքացիների անվտանգությունն ու խաղաղ հավաքներ անելու իրավունքը և չենթարկվել Նիկոլ Փաշինյանի ապօրինի հրահանգներին ու ուժ կիրառել ժողովրդի նկատմամբ։ Իսկ ժողովրդին կոչ արեց ամեն ինչ անել օրինականության ու Սահմանադրության պայմաններում։

«Նիկո՛լ, միևնույն է դու հեռանալու ես, հեռացիր անցնցում, գոնե այս անգամ խնայիր մեր ժողովրդին, պետությունն ու պետականությունը։ Գնա անցնցում, մի խաթարիր մեր երկրի ներքին կյանքը։ Քո հեռանալը կենսական անհրաժեշտություն է մեր ժողովրդի ու պետությանն համար»,– ասաց նա։

Հիշեցնենք, նոյեմբերի 9-ին՝ եռակողմ հայտարարության ստորագրումից հետո, ընդդիմադիր ուժերը և շատ քաղաքացիներ պահանջում են ՀՀ վարչապետ Նիկոլ Փաշինյանի հրաժարականը։ Ընդդիմադիրներն այսօր մինչև ժամը 12։00-ն ժամանակ էին տվել Փաշինյանին, որ հրաժարական տա, սակայն, ինչպես գրում են ԶԼՄ-ները, ընդդիմադիրները համոզված են, որ Փաշինյանը հրաժարական չի ներկայացնելու, ուստի 16 կուսակցությունները պլանավորել են վարչապետին տրված վերջնաժամկետից հետո սկսել անհնազանդության ակցիաները:

«Save եմ արել, հանձնաժողովին պետք կգա». Մարուքյանը` Սերժ Սարգսյանի ձայնագրության մասին

Նրանք պլանավորել են կաթվածահար անել Հայաստանն իր մարզերով և հատկապես Երևան քաղաքը: Այսինքն` իրենց նշած ժամից հետո ընդդիմությունը փակելու է Երևանի և տարբեր մարզերի փողոցները, կաթվածահար է անելու երթևեկությունը։

թեմա:
Իրադրությունը Հայաստանում և Արցախում հայտարարության ստորագրումից հետո (814)

Ըստ թեմայի

Ադրբեջանցիները հստակ գիտակցում են, որ հայերի խոշտանգումն անպատիժ է մնալու. նոր զեկույց
Սերժ Սարգսյանի գրասենյակի համար հասկանալի չէ` ինչպես է զրույցը հայտնվել համացանցում
Նիստը փակ կլինի. Մարուքյանն «Իմ քայլին» մեղադրում է քվեարկության արդյունքները կեղծելու մեջ
թեգերը:
Նիկոլ Փաշինյան, ընդդիմություն, Բողոքի ակցիա, հանրահավաք, Ղարաբաղյան հակամարտություն, Լեռնային Ղարաբաղ, Արցախ, Հայաստան, Իշխան Սաղաթելյան

Գլխավոր թեմաներ