10:51 19 հունիսի 2021
Ուղիղ եթեր
  • USD513.73
  • GBP713.98
  • EUR612.16
  • RUB7.12
Քաղաքականություն
Ստանալ կարճ հղումը
Իրադրությունը Հայաստանում և Արցախում հայտարարության ստորագրումից հետո (814)
197320

ԱԽ հրատապ նիստին ՀՀ վարչապետի հրավերով մասնակցել են նաև խորհրդարանական ընդդիմության ներկայացուցիչները։

ԵՐԵՎԱՆ, 13 դեկտեմբերի - Sputnik. ՀՀ վարչապետ Նիկոլ Փաշինյանի հրավիրած ՀՀ Անվտանգության խորհրդի հրատապ նիստն ավարտվել է։ Քննարկվել է Արցախում դեկտեմբերի 12-ից տիրող իրավիճակը։ Այս մասին նիստից դուրս գալով՝ լրագրողներին հայտնեց ՀՀ ԱԺ «Լուսավոր Հայաստան» խմբակցության ղեկավար Էդմոն Մարուքյանը։

«Քննարկել ենք, թե երեկ ինչ է եղել և ինչ է արվում հիմա, քննարկում՝ անվտանգության մարտահրավերների մասին»,– ասաց նա։
Մարուքյանը նաև հայտարարեց, որ ըստ քննարկման արդյունքների` ՀՀ կառավարությունը տիրապետում է ամբողջ տեղեկատվությանը։

«Բոլորս գիտենք, որ տեղի է ունեցել հարձակում։ Հարձակման ընթացքում մարտի են բռնվել մեր ՊԲ ստորաբաժանումները, կան վիրավորներ, զոհերի հանգամանքը այս պահին ճշտվում է։ Գիշերը տեղեկացվեց, որ ռուս խաղաղապահները եկել են ու արդեն տարածքում են։ Այսինքն` եթե խաղաղապահները մինչ այդ փաստացի այդտեղ չկային, հիմա արդեն կլինեն»,– ասաց Մարուքյանը։

Բանակցությունները ռուսական ու ադրբեջանական կողմերի միջև, նրա խոսքով, դեռ շարունակվում են, քանի որ խախտվել է եռակողմ հայտարարությունը։

Հիշեցնենք, որ ՀՀ վարչապետ Նիկոլ Փաշինյանի նախաձեռնությամբ այսօր ժամը 16։00-ին Անվտանգության խորհրդի հրատապ նիստ էր գումարվել։ Նիստին մասնակցելեն նաև խորհրդարանական խմբակցությունների ներկայացուցիչները։

Նիստը տևել է շուրջ 2 ժամ։ Մինչ այդ «Բարգավաճ Հայաստան» խմբակցության պատգամավոր Նաիրա Զոհրաբյանը Sputnik Արմենիային հայտնել էր, որ ԲՀԿ–ից նիստին մասնակցելու է «Բարգավաճ Հայաստան» խմբակցության քարտուղար Արմեն Աբովյանը։

Դեկտեմբերի 11-ին՝ ժամը 20:40-ի սահմաններում, օգտվելով այն փաստից, որ Արցախի Հանրապետության տվյալ հատվածում խաղաղապահ ուժեր տեղակայված չեն, Ադրբեջանի զինված ուժերի հատուկջոկատային ստորաբաժանումները գրոհ են ձեռնարկել արցախա-ադրբեջանական շփման գծի՝ Հադրութի շրջանի Հին Թաղեր և Խծաբերդ բնակավայրերի հատվածում, ինչի հետևանքով տարբեր աստիճանների հրազենային վիրավորումներ են ստացել ՊԲ վեց զինծառայողներ: Հայկական միասնական տեղեկատվական հարթակը հայտարարել էր, որ ադրբեջանական կողմի լուրերը՝ հայ զոհերի մասին, իրականության չեն համապատասխանում։

Հին Թաղերը կորցրել ենք, Խծաբերդում և՛ ադրբեջանցիներ կան, և՛ հայեր. Հադրութի շրջանի ղեկավար

ՀՀ արտգործնախարարությունը հայտնել է, որ ադրբեջանական ուժերը սադրիչ գործողությունները շարունակել են նաև այսօր՝ Մեծ Շեն և Հին Շեն բնակավայրերի ուղղությամբ։

Ադրբեջանական կողմն ընդունել է, որ ունի 4 զոհ ու 2 վիրավոր։

թեմա:
Իրադրությունը Հայաստանում և Արցախում հայտարարության ստորագրումից հետո (814)

Ըստ թեմայի

Կուբաթլուի և Զանգելանի շրջանների հարցում էլ լարվածություն կարող է առաջանալ. Փաշինյան
Հայկական գյուղերի գրավմանը, որոշ տեղեկություններով, մասնակցել են թուրքեր. Նիկոլ Փաշինյան
Փաշինյանն ընդդիմությանն առաջարկել է միավորվել «ինֆորմացիոն ահաբեկչության» դեմ պայքարում
թեգերը:
Արցախ, Անվտանգության խորհուրդ, Էդմոն Մարուքյան

Գլխավոր թեմաներ