05:07 20 հունվարի 2021
Ուղիղ եթեր
  • USD519.31
  • GBP706.73
  • EUR629.40
  • RUB7.04
Քաղաքականություն
Ստանալ կարճ հղումը
83311

Նաիրա Զոհրաբյանը համոզված է, որ իրեն հանձնաժողովի նախագահի պաշտոնից հանելու հրամանը տվել է վարչապետ Նիկոլ Փաշինյանը, իսկ «Իմ քայլի» պատգամավորները «խելոք կքվեարկեն»։

ԵՐԵՎԱՆ, 26 դեկտեմբերի – Sputnik. Ազգային ժողովի «Բարգավաճ Հայաստան» խմբակցության պատգամավոր Նաիրա Զոհրաբյանը Facebook-ում մեկնաբանել է իրեն ԱԺ մարդու իրավունքների պաշտպանության և հանրային հարցերի մշտական հանձնաժողովի նախագահի պաշտոնից հանելու` «Իմ քայլը» խմբակցության նախաձեռնությունը։

Նրա խոսքով` այդ հրահանգն իր խորհրդարանական կամակատարներին տվել է վարչապետ Նիկոլ Փաշինյանը, իսկ «Իմ քայլի» պատգամավորներն ընդամենը կատարողներ են, որոնք երկուշաբթի խելոք կքվեարկեն ու կկատարեն Փաշինյանի հրահանգը:

«Քանի որ ինքը շատ փոքր մարդ է, և իրեն թվում է, թե հանձնաժողովի նախագահի պաշտոնից հանելն ինձ համար դաժանագույն ողբերգություն կլինի, իր հրաժարականից առաջ որոշել է իր կարծիքով ինձ պատժել»,– գրում է Զոհրաբյանը։

Պատգամավորը նշում է, որ նախաձեռնության հեղինակները կառչել են իր կիրառած «ժեխ» բառից, նա հիշեցնում է, որ այդ բառի հոմանիշներից մեկն «անմաքուրն» է։

«Եվ այո, ես պնդում եմ, որ բոլոր նրանք, ովքեր արդարացնում են Արցախի հանձնումը թուրքին, ովքեր արդարացնում են 5000 զինվորի սպանությունը, ովքեր հենց հիմա արդարացնում են Սյունիքից մաս-մաս հանձնումը ու վաղը արդարացնելու են Սևանի ափամերձ որոշ շրջանների հանձնումը, ինձ համար, շատ մեղմ ասած,անմաքուր մարդիկ են»,– գրում է Զոհրաբյանը։

Ընդդիմադիր պատգամավորը շեշտում է, որ աշխատելու համար պարտադիր չէ լինել հանձնաժողովի նախագահ, բավական է ունենալ ժողովրդի վստահության քվեն ու պատգամավորական մանդատը։

Զոհրաբյանը հայտարարում է, որ երկուշաբթի չի մասնակցելու «Իմ քայլի» ներկայացրած նախագծի քննարկմանը։

Հիշեցնենք` «Իմ քայլը» խմբակցությունը որոշման նախագիծ է ներկայացրել ԱԺ, որով առաջարկում է դադարեցնել «Բարգավաճ Հայաստան» խմբակցության անդամ Նաիրա Զոհրաբյանի լիազորությունները` ԱԺ Մարդու իրավունքների պաշտպանության և հանրային հարցերի մշտական հանձնաժողովի նախագահի պաշտոնում։

Առաջարկը հիմնավորվում է Նաիրա Զոհրաբյանի ֆեյսբուքյան գրառումներով, որոնց հեղինակն, ըստ իշխող ուժի, չի կարող լինել մի հանձնաժողովի նախագահ, որի գործունեության առանցքը մարդու իրավունքների պաշտպանությունն է։

Նախագիծն առաջարկվում է ներառել երկուշաբթի` դեկտեմբերի 28-ին, ժամը 11։00-ին գումարվելիք ԱԺ արտահերթ նիստի օրակարգում։ Արտահերթ նիստի օրակարգը վերջնականապես կհաստատվի դեկտեմբերի 28-ին, ժամը 10։00 հրավիրված ԱԺ խորհրդի նիստում։

Ըստ թեմայի

«Սահմանների հետ կապված կարող է լինել մեկ միջազգային փաստաթուղթ». Նաիրա Զոհրաբյան
Ո՞ր դեպքում ՀՀ գլխավոր դատախազությունը կձերբակալի Նիկոլ Փաշինյանին
«Ազգային համաձայնության» նախագահ Արամ Հարությունյանը ներգրավվել է որպես կասկածյալ
Փաշինյանի փրկօղակը. 25-ամյա օրենքից մինչև գաղտնի պայմանագիր ու պարտադրված դեմարկացիա
թեգերը:
«Իմ քայլը» խմբակցություն, Նաիրա Զոհրաբյան, Հայաստան

Գլխավոր թեմաներ