16:20 24 հունվարի 2021
Ուղիղ եթեր
  • USD518.44
  • GBP708.34
  • EUR631.10
  • RUB6.95
Քաղաքականություն
Ստանալ կարճ հղումը
104 0 0

Ոստիկանությունն ի զորու չէ ապահովել որևէ մեկի անվտանգությունը: Մարուքյանի համոզմամբ` այս է վկայում Նիկոլ Փաշինյանի այցը Սյունիք, որի ժամանակ վարչապետը գերադասեց շրջանցել իր ճանապարհը փակած սյունեցիներին։

ԵՐԵՎԱՆ, 28 դեկտեմբերի – Sputnik. Իշխանությունը չի կարող արտահերթ ընտրությունների մասնակցել ու քարոզարշավ անել: Այսօր ԱԺ արտահերթ նիստում նման հայտարարություն արեց «Լուսավոր Հայաստան» խմբակցության ղեկավար Էդմոն Մարուքյանը՝ հավելելով, որ ոստիկանությունն ի զորու չէ ապահովել որևէ մեկի անվտանգությունը: Այս մասին, նրա խոսքով, վկայում է Նիկոլ Փաշինյանի այցը Սյունիք, որի ժամանակ վարչապետը գերադասեց շրջանցել իր ճանապարհը փակած սյունեցիներին ու խուսափել նրանց հետ հանդիպումից: 

Պատգամավորի այս դիտարկմանն արձագանքեց «Իմ քայլը» խմբակցության սյունեցի պատգամավոր Արամ Խաչատյանը՝ Մարուքյանին կոչ անելով գնալ Սյունիք:

Ի պատասխան Մարուքյանը հայտնեց, որ իրենց խմբակցության անդամները օրեր առաջ են եղել Սյունիքում, ու իր հերթին պատգամավորին առաջարկեց այցելել իր հարազատ մարզ:

«Այս պայմաններն ու այսօրվա դեպքերը խոսում են այն մասին, որ արտահերթ ընտրությունները դուք չեք կարող կազմակերպել: Եվ երբ որ արտահերթ ընտրություններից խոսում եք, իմացեք, որ դրանք հղի են արյունահեղության վտանգով»,- ասաց Մարուքյանը:

«Բարգավաճ Հայաստան» խմբակցության անդամ Արման Աբովյանն էլ իր ելույթում «Իմ քայլի» գործընկերներին հիշեցրեց, որ Սյունիքի սահմաններին տիրող իրավիճակի մասին քննարկմանը նրանցից ոչ ոք չմասնակցեց:

Եթե շուտ վերջացնեինք այս գործը, Սյունիքը պահպանած կլինեինք. Վազգեն Մանուկյան

«Երբ որ մենք Սյունքից խոսում էինք, բա ո՞ւր էիք, գայիք, մասնակցեիք: Գայիք հենց այնտեղ ձեր մտքերն արտահայտեիք»,- ասաց նա:

Դեկտեմբերի 25-ին ԱԺ «Բարգավաճ Հայաստան» խմբակցությունը կազմակերպել էր սահմանամերձ շրջաններում ստեղծված իրավիճակին նվիրված քննարկում, որին ներկա էին ու հեռավար կապով մասնակցեցին նաև Սյունիքի սահմանամերձ համայնքների ղեկավարները:

Ո՛չ դեմարկացիա, ո՛չ էլ դելիմիտացիա. Փաշինյանը բացատրեց` ինչ է արվում Սյունիքի սահմանին

Ըստ թեմայի

Քաշքշուկ Սայաթ-Նովա փողոցում. ընդդիմությունը փակել է Սարալանջի ճանապարհը
Բողոքի ակցիա, երթ, լեզվակռիվ. ընդդիմությունը երթով եկավ կառավարության մոտ. տեսանյութ
Ինչու ընդդիմադիրները չեն պահանջում արտահերթ խորհրդարանական ընտրություններ. Փաշինյան
Ընդդիմությունը պահանջում է վարչապետի հրաժարականից հետո միայն անցկացնել ընտրություններ
թեգերը:
Արման Աբովյան, Էդմոն Մարուքյան, Սյունիք, Նիկոլ Փաշինյան, ԱԺ, Ընտրություններ

Գլխավոր թեմաներ