17:17 17 հունվարի 2021
Ուղիղ եթեր
  • USD522.53
  • GBP712.78
  • EUR634.35
  • RUB7.13
Քաղաքականություն
Ստանալ կարճ հղումը
147 0 0

Վազգեն Մանուկյանը նշում է, որ ինքը Փաշինյանին ոչ թե դավաճան է համարում, այլ մեր ժողովրդի ու պետության թշնամի։

ԵՐԵՎԱՆ, 28 դեկտեմբերի – Sputnik. Ամեն օրը կործանարար է հայ ժողովրդի համար. այն, ինչ արվեց, այն, ինչ հիմա շարունակվում է, ներել հնարավոր չէ։ Կառավարության մոտ այսօր ընթացող բողոքի ակցիայի ժամանակ լրագրողների հետ զրույցում ասաց Հայրենիքի փրկության շարժման վարչապետի թեկնածու Վազգեն Մանուկյանը`նշելով, որ անհնազանդության ակցիաներն ամեն օր են լինելու, քաղաքը միշտ էլ այս վիճակում է մնալու, մինչև վարչապետ Նիկոլ Փաշինյանը չհեռանա։

Անդրադառնալով  Փաշինյանի՝ արտահերթ ընտրություններ անցկացնելու առաջարկին` Մանուկյանն ասաց, թե չի կարծում, որ Փաշինյանը գնալու է արտահերթ ընտրությունների։

«Ինքը դիտմամբ դաշտն ուզում է նորից բաժանել կուսակցությունների, ովքեր են համաձայն, ովքեր համաձայն չեն։ Սովորական տրյուկն է՝ հին-նոր, սև-սպիտակ, էլիտա-ժողովուրդ։ Մենք հստակ ասել ենք՝ Նիկոլ Փաշինյանի ղեկավարությամբ Հայաստանում ոչ մի ընտրություն չի կարող լինել»,-ասաց Մանուկյանը։

Նրա խոսքով՝ նախ  Փաշինյանը պետք է հեռանա, պետք է ձևավորվի կառավարություն, որը ինչ-որ ժամանակում գոնե մի քիչ ուշքի կբերի, կբարձրացնի բանակի մարտունակությունը, սահմանների վերաբերյալ կգնա բանակցությունների։ «Որովհետև այն, ինչ կատարվում է, խայտառակություն է։ Մենք շարունակում ենք տալ ու տալ։ Առանց որևէ բանակցության, որևէ միջազգային իրավունքի տրվում են սահմանները։ Մինչև սա չվերջանա, նոր կառավարություն չստեղծվի, ընտրությունների մասին խոսելն անիմաստ է։ Հիմա կամ 1-2 ամսից ընտրություն անցկացնելը նշանակում է նորից տրոհել Հայաստանը»,–ասաց ընդդիմության վարչապետի թեկնածուն։ Մանուկյանը խոստացավ, որ կխոչընդոտեն, եթե արտահերթ խորհրդարանական ընտրություններ հայտարարվեն։

Բողոքի ակցիա, երթ, լեզվակռիվ. ընդդիմությունը երթով եկավ կառավարության մոտ. տեսանյութ

Անդրադառնալով Փաշինյանի խոսքին, թե քաղաքացիները փողոց դուրս չեն գալիս, հետևաբար չեն ցանկանում` Մանուկյանն ասաց, որ խոստանում է`փողոց դուրս կգան, այս իշխանություն էլ կփոխեն, որ նորմալ ապրենք։

«Մեր բոլորի երազանքներն ինքը կործանեց։ Ես իրեն համարում եմ թշնամի։ Ինքը ոչ թե դավաճան է, այլ մեր ժողովրդի ու պետության թշնամին։ Ինքը մեզ հետ երբեք չի եղել, որ դավաճաներ մեզ։ Միշտ եղել է օտար, թշնամի։ Իր օրոք Հայաստանը ոչ մի զարգացում չի կարող ապրել: Ես ողջունում եմ երիտասարդներին, որ գնում են, կանգնում են, եթե պետք է` կռվում են: Բա ի՞նչ պետք է անեն, թշնամու հետ կռվում են»,-հայտարարեց Վազգեն Մանուկյանը։

Նա ընդգծեց, որ հիմա Նիկոլ Փաշինյանի դեմ կանգնած է ժողովուրդը, ոչ թե ընդդիմությունը, որովհետև ընդդիմություն լինում է ընտրությունների ժամանակ, իսկ հիմա ազգային պայքար է մեր երկիրը թշնամուց փրկելու:

Նշենք, որ նոյեմբերի 9–ին եռակողմ հայտարարության ընդունումից հետո Հայաստանում ընդդիմադիր 16 կուսակցություն պահանջում են ՀՀ վարչապետ Նիկոլ Փաշինյանի հրաժարականը։ Նրանք պարբերաբար բողոքի ակցիաներ ու երթեր են իրականացնում։

Ընդդիմությունն արդեն ներկայացրել է վարչապետի` իրենց միասնական թեկանծուին` Վազգեն Մանուկյանին։

Կառավարությունը չի կարողանալու վճարել թոշակները. Հայաստանին սպասվում է էներգետիկ ճգնաժամ

Ըստ թեմայի

Պուտինն ու Քոչարյանը հեռախոսազրույց են ունեցել. մանրամասներ` Գաբրելյանովից
Բողոքի ակցիա իրականացնողներից 8-ը բերման է ենթարկվել. Ոստիկանություն
Մի սատարեք Հայաստանի դավադիր իշխանություններին. ՀՅԴ–ի կոչը ոստիկանությանը
թեգերը:
Հրաժարական, Նիկոլ Փաշինյան, Ընտրություններ, Բողոքի ակցիա, Վազգեն Մանուկյան

Գլխավոր թեմաներ