03:02 21 հունվարի 2021
Ուղիղ եթեր
  • USD519.19
  • GBP711.08
  • EUR629.57
  • RUB7.08
Քաղաքականություն
Ստանալ կարճ հղումը
68 0 0

ԱԺ «Իմ քայլը» խմբակցության ղեկավար Լիլիթ Մակունցը լրագրողի հարցը ոչ կոռեկտ որակեց և հրաժարվեց պատասխանել դրան։

ԵՐԵՎԱՆ, 13 հունվարի – Sputnik. ՀՀ Ազգային ժողովում լրագրողներն այսօր «Իմ քայլը» խմբակցության ղեկավար Լիլիթ Մակունցից հետաքրքրվեցին համակարգում «վնգստացող դատավորների» առկայության մասին։

«Ես ձեր ձևակերպումները կոռեկտ չեմ համարում», - պատասխանեց Մակունցը։

Լրագրողների դիտարկմանը, թե ձևակերպումը մեջբերված է վարչապետ Նիկոլ Փաշինյանի խոսքից, Մակունցն ասաց, որ համատեքստը տարբեր է։
«Վարչապետը դա հնչեցրել է բոլորովին այլ համատեքստում», – ասաց նա։

Լրագրողները շարունակեցին բանավիճել խմբակցության ղեկավարի հետ` ասելով, որ ստացվում է, որ արտահայտությունը կոռեկտ չէ, երբ ասվում է լրագրողների կողմից, և ոչ վարչապետի։ Մակունցը կտրեց նրանց խոսքը։

«Եթե ունեք ինձ քաղաքական հարցեր, լսում եմ, եթե ոչ...», – ասաց նա։

«Իմ քայլի» պատգամավորներից մեկը սպառնալիքներ է ստացել. ՄԻՊ–ը դիմել է ոստիկանությանը

Հիշեցնենք, որ 2020-ի ապրիլին` սահմանադրական հանրաքվեի նախօրեին, Նիկոլ Փաշինյանը Facebook-ի ուղիղ եթերում խոսել էր ՍԴ–ի դատավորների փոփոխության մասին։ Նա մասնավորապես ասել էր. «Հիմա էլ վնգստացող դատավորների հերթն է գալիս, որոնք արդեն պետք է վեշերը հավաքեն։ Բոլորի հերթը գալու է: Այս գործընթացը միայն ժողովուրդը կարող է կանգնեցնել, ուրիշ ոչ մեկը: Ապօրինի ունեցվածքը, տներն ու դղյակները ձեռքերից առնելու ենք: Ինչքան ուզում է՝ հիստերիա կապեն: Թավիշն այս առումով ավելի դաժան է»:

ՀՀ վարչապետի այսխոսքերը բուռն քննարկման նյութ դարձան ոչ միայն դատական համակարգի ներկայացուցիչների, այլ նաև սոցցանցերի օգտատերերի շրջանում։

Վարչապետի գրառումը խիստ վտանգավոր է. ՀՀ ՄԻՊ–ը արձագանքել է

Ըստ թեմայի

Պետք չէ շահարկել. Մակունցը` Մոսկվայում գերիների հարցում համաձայնության չհասնելու մասին
««Իմ քայլը» փորձել է տապալել ընդդիմության առաջարկը». ի՞նչ է առաջարկում Լիլիթ Մակունցը
«Բռնապետական կարգեր չեն». Մակունցը խոսել է իմքայլականների շուրջ պտտվող լուրերի մասին
թեգերը:
Լիլիթ Մակունց, Դատավոր, Լրագրող, Նիկոլ Փաշինյան

Գլխավոր թեմաներ