00:42 14 ապրիլի 2021
Ուղիղ եթեր
  • USD519.43
  • GBP715.00
  • EUR617.91
  • RUB6.73
Քաղաքականություն
Ստանալ կարճ հղումը
89520

ՀՀ երրորդ նախագահը մերժել է «Լուսավոր Հայաստան» խմբակցության ղեկավարի առաջարկը` նշելով, որ հարցին պատեհ է անդրադառնալ իշխանափոխությունից հետո։

ԵՐԵՎԱՆ, 3 փետրվարի – Sputnik. ՀՀ երրորդ նախագահ Սերժ Սարգսյանը գրավոր պատասխան է ուղարկել Ազգային Ժողովի «Լուսավոր Հայաստան» խմբակցության ղեկավար Էդմոն Մարուքյանին` մերժելով փաստահավաք խմբում ընդգրկվելու  առաջարկը։ Սարգսյանի պատասխանը հրապարակել է ՀՀԿ փոխնախագահ Արմեն Աշոտյանը Facebook–ի իր էջում։

«Հայաստանի հանրապետական կուսակցությունը մեծապես կարևորում է արցախյան վերջին պատերազմի հանգամանքների օբյեկտիվ և լիարժեք հետաքննություն իրականացնելու կենսական անհրաժեշտությունը ՀՀ–ի և Արցախի Հանրապետության ազգային անվտանգության, ինչպես նաև պատմական արդարության, անկողմնակալ արդարադատության և հայ ժողովրդին պատերազմի մասին ողջ ճշմարտությունը ներկայացնելու տեսանկյունից։ Միաժամանակ արձանագրում ենք, որ գործող վարչակազմի շարունակվող պաշտոնավարման պարագայում անհնար ենք համարում նշված խնդիրների ամբողջական լուծման հնարավորությունը և Ձեր առաջարկած մեխանիզմի արդյունավետությունը։ Ուստի գտնում ենք, որ արցախյան վերջին պատերազմի հանգամանքների օբյեկտիվ և լիարժեք հետաքննության հարցին իր ինստիտուցիոնալ լուծումներով, մեխանիզմներով, ընթացակարգերով պատեհ է անդրադառնալ Հայաստանի Հանրապետությունում իշխանափոխությունից հետո»,– նշված է Սերժ Սարգսյանի պատասխանում։

Հիշեցնենք ` «Լուսավոր Հայաստան» խմբակցությունը մշակել է արցախյան 44-օրյա պատերազմի հանգամանքները ուսումնասիրող փաստահավաք խումբ ստեղծելու մասին նախագիծ: Ըստ այդ նախագծի` փաստահավաք խմբում ներկայացված կլինեն խորհրդարանական վերջին ընտրություններին մասնակցած և առաջին 6 տեղերը զբաղեցրած քաղաքական ուժերը (3 խորհրդարանական ուժ՝ 4-ական ներկայացուցիչներով, 3 արտախորհրդարանական ուժ՝ 1-ական ներկայացուցիչներով), ինչպես նաև ՀՀ մարդու իրավունքների պաշտպանը: Փաստահավաք խումբը ընդհանուր առմամբ կազմված կլինի 16 անդամից։

Ըստ թեմայի

Իշխանությունը մեղավորներ է նշանակում. ով և ինչու է հիշել «Պատրոն Դավիթի» անորակ զենքերը
Արտահերթ ընտրություններին «Ալյանսը» կմասնակցի իր ցուցակով ու վարչապետի իր թեկնածուով
Բեկումնային հանդիպում. Սերժ Սարգսյանը հակված է ընտրությունները բոյկոտելուն. «Ժողովուրդ»
Իշխանության հեռացման համաժողովրդական պահանջը դեռ չի վերածվել համաժողովրդական պայքարի
թեգերը:
Էդմոն Մարուքյան, Սերժ Սարգսյան, Հայաստան

Գլխավոր թեմաներ