20:26 28 փետրվարի 2021
Ուղիղ եթեր
  • USD527.96
  • GBP736.03
  • EUR640.20
  • RUB7.08
Քաղաքականություն
Ստանալ կարճ հղումը
270 0 0

ԼՀԿ նախագահի կարծիքով` նման կեղծ օրակարգերով իշխանությունը փորձում է հանրության ուշադրությունը շեղել հիմնական, ավելի կարևոր խնդիրներից։

ԵՐԵՎԱՆ, 8 փետրվարի – Sputnik. Արտահերթ ընտրություններ չանցկացնելու մասին իշխող քաղաքական ուժի վերջին հայտարարությունն ԱԺ «Լուսավոր Հայաստան» խմբակցության ղեկավար Էդմոն Մարուքյանը համարում է իշխանության արած մանիպուլյատիվ քայլի տրամաբանական շարունակությունը։ Այս մասին նա ասել է լրագրողների հետ զրույցում։

Նրա խոսքով` ի պատասխան ընդդիմության` վարչապետի հրաժարականի պահանջի, Փաշինյանը հանդես էր եկել արտահերթ ընտրությունների առաջարկով։

«Եվ սկսվեց արտահերթ ընտրությունների մասին «նիսյա» խոսակցություն։ Դա եղել է իր օրակարգը, որը չի մերժվել ոչ մեկի կողմից»,– ասաց Մարուքյանը։

ԼՀԿ նախագահը չի բացառում, որ վաղը Նիկոլ Փաշինյանը հայտարարի, որ արտահերթ ընտրություններ լինելու են ու խորհուրդ տվեց իշխանության հայտարարություններին լուրջ չվերաբերվել։ Ավելին` Մարուքյանը համոզված է, որ արտահերթ ընտրություններ լինելու են։

Մեկնաբանելով «Իմ քայլի» հայտարարության այն հատվածը, որտեղ նշված է, թե խորհրդարանական ընդդիմությունը դրական արձագանքի չի արժանացրել վարչապետի առաջարկը, Մարուքյանն ասաց, որ դա փորձ է գնդակը գցելու ընդդիմության դաշտ։

«Իրականում գնդակն իրենց դաշտում է` նոյեմբերի 10-ից սկսած։ Կա հրաժարականի հանրային պահանջ։ Այդ պահանջը մնում է ուժի մեջ, մնացած բոլոր օրակարգերը կեղծ են»,– ասաց Մարուքյանը։

Ոչ մի քաղաքական ուժ չպետք է մասնակցի այս կառավարության կազմակերպած ընտրություններին

Իսկ նման կեղծ օրակարգերով, ըստ նրա, իշխանությունը փորձում է հանրության ուշադրությունը շեղել հիմնական, ավելի կարևոր խնդիրներից` պատերազմի հետևանքներից, ռազմագերիներից, անհետ կորածներից, բանակի վիճակից, սոցիալական ու տնտեսական ճգնաժամերից, տեղահանվածներից, օկուպացված տարածքներից և այլն։

Նշենք, որ «Իմ քայլը» խմբակցությունը երեկ` փետրվարի 7-ին, հայտարարություն տարածեց` վերահաստատելով, որ շարունակում է աջակցել վարչապետին և կառավարությանը, իսկ հասարակության լայն շերտերի շրջանում չկա արտահերթ ընտրությունների պահանջ։

Ըստ թեմայի

Արտահերթ ընտրություններին «Ալյանսը» կմասնակցի իր ցուցակով ու վարչապետի իր թեկնածուով
Բեկումնային հանդիպում. Սերժ Սարգսյանը հակված է ընտրությունները բոյկոտելուն. «Ժողովուրդ»
«Սխալ կլինի թողնել, որ Փաշինյանն իր թիմով մասնակցի ընտրություններին ու վերարտադրվի»
թեգերը:
Նիկոլ Փաշինյան, Ընտրություններ, «Իմ քայլը» խմբակցություն, Էդմոն Մարուքյան

Գլխավոր թեմաներ