10:07 04 մարտի 2021
Ուղիղ եթեր
  • USD525.99
  • GBP735.39
  • EUR636.45
  • RUB7.14
Քաղաքականություն
Ստանալ կարճ հղումը
74720

ՀՀ երրորդ նախագահ Սերժ Սարգսյանը խոսել է 2018 թվականին իշխանությունից հեռանալու պատճառների մասին և ասել, թե քան անգամ է հանդիպել Նիկոլ Փաշինյանին։

ԵՐԵՎԱՆ, 15 փետրվարի – Sputnik. ՀՀ երրորդ նախագահ Սերժ Սարգսյանը՝ «Արմնյուզ» հեռուստաընկերությանը տված հարցազրույցում ասել է, որ այն, ինչ տեղի ունեցավ 2018-ի գարնանը, իր էությամբ հակաղարաբաղյան շարժում էր։

«Եվ անկեղծորեն պետք է ասեմ՝ ոչ միայն հակաղարաբաղյան, այլև ղարաբաղցիների դեմ»,– շեշտել է նա։

Սարգսյանը խոսել է իր հեռանալու պատճառների և Նիկոլ Փաշինյանի հետ հանդիպելու մասին։

«Այնպիսի մի իրավիճակ ստեղծվեց, որ ես նախընտրեցի անցնցում հեռանալ, քան թե փորձել բազմաթիվ լուծումներից մեկն առաջարկել հանրությանը։ Ես երբեք չեմ համաձայնում այն մտքի հետ, որ ես նրանց հանձնել եմ իշխանությունը։ Ոչ, նախ՝ իշխանությունը ես հանձնել եմ Կարեն Կարապետյանին՝ հասկանալով հանդերձ, որ դժվար է և այլն: Ու նաև հիմա էլ ես հասկանում եմ, որ մարդիկ իրավունք ունեն այդպես կարծելու, որ ես իշխանությունը հանձնել եմ սրանց։ Ես ելնելով աշխարհաքաղաքական իրողությունից և այն համոզմունքից, որ եթե փոխվի գլխավոր բանակցողը, ապա բանակցային գործընթացում տեղի են ունենալու այնպիսի փոփոխություններ, որոնք ճակատագրական են լինելու մեր երկրի համար։ Հենց այդ պատճառով ես համաձայնեցի ընտրվել վարչապետ, և որևէ մեկը չէր կարող կանխատեսել, որ Հայաստանում կարող է այդ շարժումը ստանալ այդպիսի ընթացք։ Որևէ նախադրյալ չկար», - ասել է Սարգսյանը:

Նա պատասխանել է այն շահարկումներին, թե ՀՀ վարչապետն իր «նախագիծն» է։

Տիգրան Քեոսայան․ Ռուսաստանի և Հայաստանի բարեկամությունն անգամ Փաշինյանով չես ոչնչացնի

«Ապագա կապիտուլյանտն իմ տեսադաշտում հայտնվել է 1993 թվականի վերջերին, երբ ես մի քանի ամսվա պաշտպանության նախարար էի, և բազմաթիվ հաջողություններից հետո մենք ռազմաճակատում խնդիրներ ունեցանք։ Այդ խնդիրները մանիպուլացնելով, իրականությանը չհամապատասխանող փաստեր բերելով, անհարկի քննադատելով, ուղղակի ցավ էր պատճառում մեզ, ոչ միայն ինձ, այլև իմ մարտական ընկերներին։ Երկրորդ անգամ մենք հանդիպել ենք 90–ականների վերջին`դատարանում, և երրորդ անգամ հանդիպել ենք 2018 թվականին «Մարիոթ» հյուրանոցում։ Որևէ այլ կապ չի եղել, նույնիսկ միջնորդավորված կապ չի եղել։ Ֆիզիկապես ես այդ մարդուն տեսել եմ 3 անգամ։ Ինչ վերաբերում է, որ կապիտուլյանտը իմ նախագիծն է, դա ուղղակի զավեշտ է, ես այդպիսի նախագիծ չէի ցանկանա նույնիսկ իմ թշնամուն։ Նա այն ուժերի նախագիծն է, ում հետ ես երբեք որևէ ընդհանուր բան չէի կարող ունենալ։ Նրանց հետ ունեցել եմ միայն հակասություններ: Հակասություններ այն առումով, որ իմ պատկերացումները Հայաստանի և Արցախի զարգացման հարցում էապես տարբերվում էին այդ ուժերի պատկերացումներից», - ասել է Սարգսյանը:

Արտահերթի թեման փակված չէ. Ծառուկյանն ասել է`ինչ ձևաչափով կմասնակցեն ընտրություններին

Երրորդ նախագահի խոսքով` կապիտուլյանտին ընտրել է ժողովուրդը՝ այդ ուժերի ուղղորդմամբ։

«Եվ բոլոր նրանք, ովքեր այդ թեզը տարածում են, թող չփորձեն իրենց մեղքը բարդել ինձ վրա։ Ինձ կանգնեցրել էին ցուգցվանգի առջև՝ կա՛մ պետք է ուժ կիրառել, իսկ ինչպես հիշում եք, փողոցում բազմաթիվ երեխաներ ու կանայք էին, պարզ էր, որ առանց կորուստների դա չէր կարող լինել, պարզ էր, որ դա խոցելի էր դարձնելու Հայաստանին ինչպես բանակցային գործընթացում, այնպես էլ՝ մնացած բոլոր հարցերում, կա՛մ պետք է որոշում ընդունեի անցնցում հեռանալ՝ երկրին տալով հնարավորություն՝ ժամանակի ընթացքում այդ հարցը կարգավորել», - նշել է Սարգսյանը:

Հիշեցնենք` ՀՀԿ խոսնակ Էդուարդ Շարմազանովն օրերս հայտարարել էր, որ Սերժ Սարգսյանը մտադիր է այսուհետ ավելի հաճախ հանդես գալ մամուլի ասուլիսներով ու հարցազրույցներով։

թեգերը:
Կարեն Կարապետյան, Նիկոլ Փաշինյան, Սերժ Սարգսյան, Հայաստան

Գլխավոր թեմաներ

  • Ալաա Ալ-Սաիդ

    22-ամյա Ալաան ծնվել ու մեծացել է Իրաքում։ Արդեն երեք տարի է` Երևանի «Եվրասիա» միջազգային համալսարանի ուսանող է։ Sputnik Արմենիան զրուցել է Ալաայի հետ, որը մատնաքաշի լուսանկարներ է ուղարկում հայ ընկերոջը և իր բառացանկում ավելացրել է հայերեն «պատերազմ» բառը։

    87
  • Ոստիկանական մեքենա. 1 մարտի, 2021

    ՀՀ վարչապետը ԶՈւ գլխավոր շտաբի՝ կառավարության հրաժարականի պահանջից հետո հայտարարել է երկրում «ռազմական հեղաշրջման փորձի» մասին: Sputnik Արմենիայի սյունակագիրն իր մտորումներին զուգահեռ՝ տարբեր պետություններում ռազմական հեղաշրջումների օրինակներ է ներկայացնում։

    407
  • ԵՄ Բրյուսել

    COVID-19–ի հետ կապված իրավիճակը Եվրոպայում վատթարանում է։ Կարանտինային միջոցները խստացվում են, իսկ մի շարք երկրների իշխանություններ գնալով ավելի մեծ ուշադրություն են դարձնում ռուսական պատվաստանյութին, ինչն առաջացնում է Բրյուսելի դժգոհությունը։

    106