11:52 09 մարտի 2021
Ուղիղ եթեր
  • USD525.46
  • GBP726.19
  • EUR626.82
  • RUB7.03
Քաղաքականություն
Ստանալ կարճ հղումը
98 0 0

ՀՀ պաշտպանության նախարարը ՌԻԱ Նովոստիին տված հարցազրույցում հայտնել է, թե ռեֆորմների ընթացքում ինչի վրա է շեշտադրում կատարվել։

ԵՐԵՎԱՆ, 22 փետրվարի - Sputnik. Պատերազմից հետո Հայաստանում ռազմական ռեֆորմներ են անցկացվում, ընդ որում՝ տվյալ գործընթացում ամենաանմիջական կերպով ներգրավված են ռուս գործընկերները։ ՌԻԱ Նովոստիի հետ զրույցում նման կարծիք է հայտնել ՀՀ պաշտպանության նախարար Վաղարշակ Հարությունյանը` պատասխանելով հարցին, թե Հայաստանում նախատեսվո՞ւմ է ռազմական բարեփոխումների իրականացում։

«Մի վերապահում անեմ` ռազմական վերակառուցման գործընթացը սկզբունքորեն անընդհատ է արվում, իսկ այսօր Հարավային Կովկասում ստեղծված ռազմաքաղաքական իրավիճակն ազգային Զինված ուժերում իրականացվող բարեփոխումները սահմանում է որպես անվիճելի առաջնահերթություն»,–ասել է նախարարը։

Նա նշել է` հաշվի առնելով մարտական փորձն ու հայտնի իրադարձություններն Արցախում` արմատապես կվերանայեն մի քանի հարցեր։ Մասնավորապես, մարտական և թվային կազմի օպտիմալացում կլինի՝ հաշվի առնելով նպատակային խնդիրները, առաջին հերթին՝ մարտական բաղադրիչի ավելացման միջոցով։ Բացի այդ, առաջնային ուղղություններով սպառազինության և ռազմական տեխնիկայի նոր համալիրներով և համակարգերով ընտրողական վերազինում է նախատեսված, ինչպես նաև կադրային ներուժի պահպանում և սպաների, պետական ծառայողների և պայմանագրային զինծառայողների համալրվածության մակարդակի բարձրացում:

«Ընդ որում, մեր հիմնական ջանքերն ուղղված կլինեն կառավարման, հետախուզության, ՌԷՊ-ի, ՀՕՊ-ի և անօդաչու ավիացիայի, հրթիռային զորքերի և հրետանու զարգացմանը: Դուք, հավանաբար, գիտեք, որ ընթացիկ տարվա հունվարի 25-30-ն ընկած ժամանակահատվածում երկկողմ պայմանավորվածություններին համապատասխան Հայաստանում էր գտնվում ՌԴ պաշտպանության նախարարության ներկայացուցչական և իրավասու պատվիրակությունը՝ ՀՀ ԶՈւ բարեփոխման և արդիականացման հարցերում մեզ աջակցելու նպատակով»,–նշել է Հարությունյանը։

Նա հայտնել է, որ համատեղ աշխատանքի արդյունքում հայկական զինված ուժերի արդիականացման շրջանակներում հետագա գործողությունների և միջոցառումների վերաբերյալ առաջարկություններ են մշակվել՝ հաշվի առնելով դրանց ընթացիկ վիճակը։

Հայկական կողմը շահագրգռված է ռուսական ռազմաբազայի ընդլայնման հարցում. ՊՆ

Նախարարն իր խոսքն ամփոփել է` ասելով, որ այդ համատեքստում շատ լուրջ շեշտադրված է տվյալ գործընթացի ռազմատեխնիկական բաղադրիչը:

Ամբողջական հարցազրույցը՝ այստեղ։

Ըստ թեմայի

Հայաստանում կան փակ և դժվարանցանելի ճանապարհներ
Որոնողական աշխատանքները դադարեցվել են անորոշ ժամանակով. Ադրբեջանն է արգելել
Արտոնություններ զինծառայողներին և նրանց ընտանիքներին. ՄԻՊ-ն արտահերթ զեկույց է ներկայացրել
թեգերը:
Վաղարշակ Հարությունյան, ՀՀ Պաշտպանության նախարարություն (ՊՆ), Ռուսաստան, Հայաստան

Գլխավոր թեմաներ