08:38 14 ապրիլի 2021
Ուղիղ եթեր
  • USD519.43
  • GBP715.00
  • EUR617.91
  • RUB6.73
Քաղաքականություն
Ստանալ կարճ հղումը
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո (98)
67200

Վարչապետ Նիկոլ Փաշինյանը նշում է, որ զինված ուժերի հետ կապված այս իրավիճակը պետք է հանգուցալուծվի։

ԵՐԵՎԱն, 25 փետրվարի - Sputnik. Վարչապետ Նիկոլ Փաշինյանը նշում է, որ զինված ուժերի հետ կապված այս իրավիճակը պետք է հանգուցալուծվի։ Փաշինյանը նման հայտարարություն արեց այսօր` Հանրապետության հրապարակում իր ելույթի ժամանակ։

«ՀՀ նախագահի հետ հեռախոսազրույց եմ ունեցել և ասել, որ իմ կարծիքով ինքը պետք է իմ միջնորդությունը ստորագրի։ Եթե նախագահը չի ստորագրում... Այսինքն ինչ՝ միանում է հեղաշրջմա՞նը։ Շատ պարզ ընտրություն է»,–ասաց Փաշինյանը։

Նա նշեց, որ կա երկրորդ ընտրությունը` ԶՈւ Գլխավոր շտաբի պետ Օնիկ Գասպարյանն ինքը պետք է դիմում գրի ու հրաժարական տա։ Վարչապետի խոսքով` Օնիկ Գասպարյանը չի կարող բանակը հանել ժողովրդի դեմ, քանի որ ինքը թույլ չի տալիս դա։ Դրանից հետո, ըստ վարչապետի, քաղաքական ուժերը սկսում են կոնսուլտացիաներ անել։

Փաշինյանը հավելեց` իշխանության փոփոխություն պետք է լինի միայն ընտրությամբ, իսկ արտահերթ, թե ոչ՝ միասին կորոշեն։

Նա կոչ արեց բոլոր քաղաքական ուժերին՝ դադարեցնել բողոքի ակցիաները նշելով՝ եթե նրանք շարունակեն հանրահավաք անել, ապա իրենք էլ նույնը կանեն, իսկ եթե քաղաքական հայտարարությունների չափերն անցնեն՝ կձերբակալեն նրանց` օրենքի համաձայն։

ՀՀ ԶՈւ Գլխավոր շտաբն այսօր` փետրվարի 25-ին, պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության Հրապարակում՝ «հեղափոխությունը պաշտպանելու» համար։

ԶՈւ-ն հնարավորություն ունի Նիկոլ Փաշինյանին հանձնելու իրավապահներին. սահմանադրագետ

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։

թեմա:
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո (98)

Ըստ թեմայի

Ինչ հիմարներ պետք է լինեն, որ զինվորականների փորձեն ձերբակալել․ Խաչատուրով
«Մեր անունն է հայկական բանակ». ընդդիմությունը միանում է Զինված ուժերին. տեսանյութ
Ինքնակամ չեմ վարչապետ դարձել, ուստի ժողովուրդն էլ պետք է որոշի իմ հեռացման հարցը. Փաշինյան
թեգերը:
Արմեն Սարգսյան, Օնիկ Գասպարյան, Նիկոլ Փաշինյան

Գլխավոր թեմաներ