05:10 22 հունիսի 2021
Ուղիղ եթեր
  • USD513.29
  • GBP711.93
  • EUR610.71
  • RUB7.03
Քաղաքականություն
Ստանալ կարճ հղումը
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո (98)
115 0 0

Նախօրեին նախագահ Սարգսյանը մի շարք հանդիպումներ է անցկացրել, այդ թվում ԶՈւ Գլխավոր շտաբի պետ Օնիկ Սարգսյանի հետ։

ԵՐԵՎԱՆ, 27 փետրվարի - Sputnik. Հայաստանի նախագահ Արմեն Սարգսյանը դեռ որոշում չի կայացրել ՀՀ ԶՈւ Գլխավոր շտաբի պետ Օնիկ Գասպարյանին ազատելու՝ վարչապետի միջնորդության վերաբերյալ, Sputnik Արմենիային տեղեկացրել է նախագահի օգնական Հասմիկ Պետրոսյանը։

Որոշում կայացնելու համար Արմեն Սարգսյանն ուներ 3 օր (ժամկետը լրանում է կիրակի առավոտյան, եթե խոսքը աշխատանքային օրերի մասին չէ, իսկ Սահմանադրությունում դա նշված չէ - խմբ.)։

Նախագահ Սարգսյանը կամ պետք է վարչապետի դիմումը հետ ուղարկի՝ իր դիտողություններով, կամ Օնիկ Գասպարյանին ազատելու վերաբերյալ որոշումը մեխանիկորեն կմտնի ուժի մեջ։

Հավելենք, որ նախօրեին Արմեն Սարգսյանը մի շարք հանդիպումներ է ունեցել, այդ թվում ԶՈւ Գլխավոր շտաբի պետ Օնիկ Սարգսյանի հետ։

ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։

Հայտնի է, թե ինչ են քննարկել Հայրենիքի փրկության շարժման անդամները ՀՀ նախագահի հետ

Նույն օրը Երևանում զուգահեռ հանրահավաքներ ու բողոքի երթեր անցկացվեցին։ Նիկոլ Փաշինյանն ու իր կողմնակիցները հավաքվել էին Հանրապետության հրապարակում, իսկ ընդդիմադիրները` Հայրենիքի փրկության շարժման նախաձեռնությամբ Ազատության հրապարակում պահանջում էին Նիկոլ Փաշինյանի հրաժարականը։

Ընդդիմադիրներն արդեն 2 օր է՝ Բաղրամյան պողոտայում` ԱԺ-ի դիմաց, անժամկետ նստացույց են իրականացնում։

թեմա:
Իրավիճակը Հայաստանում ԶՈւ ԳՇ-ի` վարչապետի հրաժարականի պահանջից հետո (98)

Ըստ թեմայի

Նախագահը միանում է հեղաշրջմա՞նը. վարչապետն Արմեն Սարգսյանին ընտրության առաջ է կանգնեցնում
Ընդդիմադիրները պատվիրակություն են ուղարկում նախագահ Արմեն Սարգսյանի մոտ
Ընդդիմության լիդերները նախագահ Արմեն Սարգսյանի նստավայրում են
թեգերը:
որոշում, Արմեն Սարգսյան

Գլխավոր թեմաներ