05:27 17 մայիսի 2021
Ուղիղ եթեր
  • USD522.48
  • GBP734.61
  • EUR632.67
  • RUB7.06
Քաղաքականություն
Ստանալ կարճ հղումը
252 0 0

Այս անգամ հանդիպումը տեղի է ունեցել ՀՀ նախագահի նստավայրում։ ԶՈւ ղեկավարությունից ներկա է եղել միայն ԳՇ պետը։

ԵՐԵՎԱՆ, 27 փետրվարի - Sputnik. ՀՀ նախագահ Արմեն Սարգսյանն այսօր` փետրվարի 27-ին դարձյալ հանդիպել է ՀՀ ԶՈՒ ԳՇ պետ Օնիկ Գասպարյանի հետ։

Այս անգամ հանդիպումը տեղի է ունեցել ՀՀ նախագահի նստավայրում։

Այս մասին Sputnik Արմենիային հայտնեցին նախագահականից` հավելելով, որ հանդիպմանը ԶՈւ ղեկավարությունից ներկա է եղել միայն ԳՇ պետը։

Հիշեցնենք` հանրապետության նախագահ Արմեն Սարգսյանը փետրվարի 26-ին այցելել էր ՀՀ Զինված ուժերի գլխավոր շտաբ։
Հանդիպմանը բացի ԳՇ պետից ներկա են եղել նաև ԳՇ ղեկավար կազմի անդամները։

ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, դեռ չի ստորագրել ՀՀ նախագահ Արմեն Սարգսյանը։

Նույն օրը Երևանում զուգահեռ հանրահավաքներ ու բողոքի երթեր անցկացվեցին։ Նիկոլ Փաշինյանն ու իր կողմնակիցները հավաքվել էին Հանրապետության հրապարակում, իսկ ընդդիմադիրները` Հայրենիքի փրկության շարժման նախաձեռնությամբ Ազատության հրապարակում պահանջում էին Նիկոլ Փաշինյանի հրաժարականը։

Նրանք հայտարարել են, որ Բաղրամյան պողոտայում` ԱԺ-ի դիմաց, անժամկետ նստացույց են իրականացնելու։

Ըստ թեմայի

«Արդյունավետ էր». Արման Աբովյանը նախագահի հետ հանդիպումից մանրամասներ է հայտնել
Այս պահին Հայաստանը չունի ԱԺ նախագահ. Մարուքյան
ԵԿՄ Նոր-Նորքի բաժանմունքի նախագահը վայր է դրել լիազորություններն ի աջակցություն բանակի
թեգերը:
Օնիկ Գասպարյան, Նախագահ

Գլխավոր թեմաներ