ԵՐԵՎԱՆ, 1 մարտի - Sputnik. Այսօր` մարտի 1–ին, կայացել է ԱԺ խորհրդի նիստը։ Ինչպես խորհրդարանից հայտնում է Sputnik Արմենիայի թղթակիցը, նիստին մասնակցել են միայն իշխանական «Իմ քայլը» խմբակցության անդամները։ Նիստը վարել է ԱԺ նախագահ Արարատ Միրզոյանը։
ԱԺ խորհրդի ընդդիմադիր անդամները նիստին չեն մասնակցել։ Խորհրդի նիստում ընդդիմության` արտահերթ նիստ հրավիրելու կամ ռազմական դրության գործող ռեժիմը չեղարկելու հարցը չի քննարկվել։ Այս մասին Sputnik Արմենիային հայտնեց ԱԺ պետաիրվական հարցերի մշտական հանձնաժողովի նախագահ Վլադիմիր Վարդանյանը։
«Նիստում քննարկվել են միայն մարտի 2-ի հերթական նիստերի օրակարգում ներառված հարցերը»,– ասաց Վարդանյանը։
Նշենք, որ դրանք հիմնականում նախորդ նիստում առաջին ընթերցմամբ քննարկված նախագծերն են, գումարած ՀՀ կառավարության առաջարկած մի քանի տնտեսական բնույթի նախագծեր` առաջին ընթերցմամբ։
ԱԺ արտահերթ նիստը չի կայանա. «Իմ քայլը» տապալել է ընդդիմության նախաձեռնությունը
Հիշեցնենք՝ փետրվարի 26-ին ԱԺ խորհուրդը պետք է քննարկեր մի խումբ ընդդիմադիր պատգամավորների դիմումը՝ ԱԺ արտահերթ նիստ անցկացնելու վերաբերյալ, որով առաջարկվում էր քննարկել ՀՀ-ում ռազմական դրության վերացման հարցը։
Խորհրդի նիստը, սակայն, չէր կայացել, քանի որ ո՛չ Ազգային ժողովի նախագահը, ո՛չ էլ «Իմ քայլի» պատգամավորները նիստին չէին ներկայացել։
ԱԺ երկու ֆրակցիաները կարծես խաղի մեջ են և՛ ընդդիմության, և՛ իշխանության հետ. Դանիելյան
