ԵՐԵՎԱՆ, 22 մարտի – Sputnik. «Քաղաքացիական պայմանագրի» վարչապետի թեկնածուն լինելու է հենց վարչապետ Նիկոլ Փաշինյանը։ Ազգային ժողովում լրագրողների հետ զրույցում տեղեկությունը հայտնեց արդարադատության նախարար Ռուստամ Բադասյանը։
«Կարծում եմ` ակնհայտ է այդ հարցի պատասխանը։ Մեր քաղաքացիներն իրենց որոշումը կկայացնեն, և այս պարագայում մեր խնդիրն է քաղաքացիներին այդ հնարավորությունը տալ»,–ասաց նախարարը։
Հիշեցնենք, որ 2020-ի մարտի 18–ին ՀՀ վարչապետ Նիկոլ Փաշինյանը հայտարարեց, որ համաձայնության է եկել «Բարգավաճ Հայաստան» և «Լուսավոր Հայաստան» կուսակցությունների հետ հունիսի 20-ին արտահերթ խորհրդարանական ընտրությունների անցկացման վերաբերյալ։
Ներքաղաքական իրավիճակը Հայաստանում սրվեց 2020–ի նոյեմբերի 9–ին եռակողմ հայտարարությունից հետո, երբ 44–օրյա պատերազմի արդյունքում Հայաստանը կորցրեց Արցախի 70 %–ից ավելին, մնացած մասում տեղակայվեցին ռուս խաղաղապահներ, սահամնների ճշգրտում սկսվեց նաև Հայաստանի սուվերեն տարածքում։
Ընդդիմադիր 17 կուսակցություններ, միավորվելով «Հայրենիքի փրկության շարժման» անվան տակ և Վազգեն Մանուկյանին առաջադրելով որպես ժամանակավոր կառավարության` վարչապետի միասնական թեկնածու, սկսեցին բողոքի ակցիաններով պայքարել վարչապետի հրաժարականին հասնելու համար։
Ինչու է Փաշինյանը գնում արտահերթ ընտրությունների. քաղտեխնոլոգը` ստեղծված իրավիճակի մասին
