14:08 22 ապրիլի 2021
Ուղիղ եթեր
  • USD522.23
  • GBP727.62
  • EUR626.94
  • RUB6.79
Քաղաքականություն
Ստանալ կարճ հղումը
496 0 0

Հայերի միության նախագահը հայտնել է, որ Հայաստանում մի շարք հանդիպումներ է ունենալու, որից հետո մեկնելու է Հնդկաստան, Սաուդյան Արաբիա, Եգիպտոս, Ֆրանսիա, որտեղ ևս խորհրդակցություններ է ունենալու:

ԵՐԵՎԱՆ, 27 մարտի – Sputnik. Ռուսաստանի հայերի միության նախագահ Արա Աբրահամյանը հայտարարել է, որ շատ ակտիվ մասնակցելու է Հայաստանում նախանշված արտահերթ խորհրդարանական ընտրություններին:

«Ես հիմա գնում եմ Հայաստան: Ես խորհրդակցել եմ, ամեն դեպքում ես շատ ակտիվ մասնակցելու եմ այս ընտրություններին: Իմ անձնական մասնակցությունը ես շատ շուտով կասեմ՝ որոնք են իմ քաղաքական ուժը, որոնք են ֆինանսական, ինչ ծրագրեր ունեմ, ում հետ ինչ պայմանավորվածություն ունեմ և ինչ թիմ ունեմ»,- Youtube-ում հրապարակված տեսանյութում ասել է Աբրահամյանը:

Հայերի միության նախագահը նաև հայտնել է, որ Հայաստանում մի շարք հանդիպումներ է ունենալու, որից հետո մեկնելու է Հնդկաստան, Սաուդյան Արաբիա, Եգիպտոս, Ֆրանսիա, որտեղ ևս խորհրդակցություններ է ունենալու:

«Որից հետո ես կգամ Հայաստան ու իմ որոշումը կհայտնեմ: Կհավաքեմ մեր ժողովրդի մի մասին և կասեմ, որ ես, այո՛, մասնակցում եմ, այս–այս խնդիրները տեսնում եմ շատ պարզ և հստակ»,- ասել է Աբրահամյանը:

Նա նաև կոչ է արել աշխարհասփյուռ հայությանն ակտիվորեն մասնակցել ընտրություններին, հրաժարվել բոլոր տեսակի ընտրակաշառքներից։

Հիշեցնենք` ՀՀ վարչապետ Նիկոլ Փաշինյանը մարտի 18-ին հայտարարեց, որ Հայաստանի Հանրապետությունում խորհրդարանական արտահերթ ընտրություններ կանցկացվեն հունիսի 20-ին։ 

Ըստ թեմայի

Ինչու է Փաշինյանը գնում արտահերթ ընտրությունների. քաղտեխնոլոգը` ստեղծված իրավիճակի մասին
Խաչատուր Սուքիասյանը կմասնակցի՞ ԱԺ արտահերթ ընտրություններին
ՀՀԿ–ն կմասնակցի՞ ընտրություններին. Շարմազանովը` կուսակցության դիրքորոշման մասին
Ո՞ւմ են ընտրելու քաղաքացիները ԱԺ արտահերթ ընտրություններում. հարցախույզ Երևանում
թեգերը:
Ընտրություններ, Արա Աբրահամյան, Հայաստան

Գլխավոր թեմաներ