ԵՐԵՎԱՆ, 17 ապրիլի - Sputnik. ՀՀ վարչապետ Նիկոլ Փաշինյանը Վայոց Ձորի մարզում է։ Տեղեկությունը հայտնում է վարչապետի մամուլի խոսնակ Մանե Գևորգյանը։
«Վարչապետը հանդիպումներ կունենա մի քանի համայնքների բնակիչների հետ, հարգանքի տուրք կմատուցի Արցախյան 44-օրյա պատերազմի զոհերի հիշատակին»,–ֆեյսբուքյան իր էջում գրում է Գևորգյանը։
Նա հայտնում է նաև, որ Փաշինյանը կայցելի նորակառույց նախակրթարան, կծանոթանա ճանապարհաշինական աշխատանքների ընթացքին։
Հիշեցնենք, որ մինչ այս Փաշինյանն այցելել էր նաև Արագածոտնի և Արմավիրի մարզ, հանդիպել տեղի բնակիչների հետ։
