15:54 15 մայիսի 2021
Ուղիղ եթեր
  • USD522.48
  • GBP734.61
  • EUR632.67
  • RUB7.06
Քաղաքականություն
Ստանալ կարճ հղումը
12201

Երկու բարեկամ երկրների ղեկավարները քննարկել են ղարաբաղյան հակամարտության կարգավորումը ԵԱՀԿ Մինսկի խմբի համանախագահության շրջանակում։

ԵՐԵՎԱՆ, 25 ապրիլի – Sputnik․ Վարչապետ Նիկոլ Փաշինյանն ու Ֆրանսիայի նախագահ Էմանուել Մակրոնն ապրիլի 24-ին հեռախոսազրույց են ունեցել։ Տեղեկությունը հայտնում է վարչապետի մամուլի ծառայությունը։

«Վարչապետը բարձր է գնահատել Ֆրանսիայի դերը Հայոց ցեղասպանության միջազգային ճանաչման գործում, ինչը հետագայում նման ողբերգությունները բացառելու կարևոր քայլերից մեկն է»,- նշված է հաղորդագրության մեջ։ 

Ֆրանսիայի նախագահն իր և ֆրանսիացի ժողովրդի զորակցությունն է հայտնել։ Նա հավելել է, որ Ֆրանսիան շարունակելու է լինել հայ ժողովրդի կողքին՝ դժվարությունները հաղթահարելու գործում։

Հեռախոսազրույցի ընթացքում վարչապետ Փաշինյանն ու նախագահ Մակրոնն անդրադարձել են Հարավային Կովկասում ստեղծված իրավիճակին։ Նրանք քննարկել են Լեռնային Ղարաբաղի հակամարտության կարգավորումը ԵԱՀԿ Մինսկի խմբի համանախագահության շրջանակում։ Վարչապետն ընդգծել է, որ հիմնախնդրի կարգավորումը տեսնում է բացառապես «անջատում հանուն փրկության» սկզբունքի ներքո։

Ֆրանսիայի նախագահը հայերեն գրառում է արել

Զրուցակիցները մտքեր են փոխանակել նաև հայ-ֆրանսիական հարաբերությունների օրակարգի շուրջ։ Նրանք անդրադարձել են նաև Հայաստանում տեղի ունեցող ներքաղաքական զարգացումներին վերաբերող հարցերի։

Ըստ թեմայի

Այսօր հայ ժողովուրդն ամուր կանգնած է. Ֆրանսիայի պետքարտուղարը Ազնավուրից մեջբերում արեց
«Սպուտնիկ V»-ի մշակողները պատասխանել են Մակրոնին. «Միասին մենք ուժեղ ենք»
Արմեն Սարգսյանը նամակներ է հղել Պուտինին, Բայդենին, Մակրոնին և այլոց
թեգերը:
Արցախ, Էմանուել Մակրոն, Նիկոլ Փաշինյան

Գլխավոր թեմաներ