20:45 19 հունիսի 2021
Ուղիղ եթեր
  • USD513.73
  • GBP713.98
  • EUR612.16
  • RUB7.12
Քաղաքականություն
Ստանալ կարճ հղումը
79 0 0

Ազգային ժողովի նիստի մեկնարկին ԱԺ «Իմ քայլը» խմբակցության կողմից վարչապետի թեկնածու է առաջադրվել Նիկոլ Փաշինյանը։

ԵՐԵՎԱՆ, 3 մայիսի - Sputnik. Ընտրական ելույթի փոխարեն Փաշինյանն այսօր ԱԺ ամբիոնից խորհրդարանի պատգամավորներին կոչ արեց պատվաստվել կորոնավիրուսի դեմ։

Նա նշեց, որ քանի որ իր թեկնածությունն առաջադրվել է զուտ պայմանավորվածությունների արդյունքում, ապա ինքը հանդես չի գա վարչապետի թեկնածուի ելույթով։ Փոխարենը ԱԺ պատգամավորներին հայտնեց, որ այսօր առավոտյան է պատվաստվել կնոջ հետ` կորոնավիրուսի դեմ ու նույնը կոչ արեց անել պատգամավորներին։

«Կա մեծ հավանականություն, որ 2021թթ–ի երկրորդ կեսից կորոնավիրուսի դեմ չպատվաստված քաղաքացիների ճամփորդելու սահմանափակումներ կարող են մտցվել։ Հիմա քննարկվում է այդ հարցը։ Այս պահին դժվար է ասել` որոշում կկայացվի, թե ոչ, բայց մենք պետք է տեղյակ լինենք սրանից»,– ասաց նա։

Փաշինյանը հայտնեց, որ Հայաստանն ունի պատվաստանյութերի բավական ծավալ ու կարող է սկսել համատարած պատվաստումներ։

Հիշեցնենք՝ Ազգային ժողովի նիստի մեկնարկին ԱԺ «Իմ քայլը» խմբակցության կողմից վարչապետի թեկնածու է առաջադրվել Նիկոլ Փաշինյանը։

Հիշեցնենք՝ մարտի 18-ին վարչապետ Նիկոլ Փաշինյանը հայտարարեց, որ հունիսի 20-ին Հայաստանում ԱԺ արտահերթ ընտրություններ կկայանան: Ավելի ուշ Ազգային ժողովը հաստատեց Ընտրական օրենսգրքի փոփոխությունների նախագիծը, ըստ որի՝ խորհրդարանական ընտրությունները տեղի կունենան միայն համամասնական ընտրակարգով։

Ապրիլի 25-ին Նիկոլ Փաշինյանը հայտարարեց հրաժարական տալու մասին։

Մնալ վարչապետի պաշտոնակատար, թե չմնալ՝ որոշում է հրաժարական ներկայացրած վարչապետը

Ըստ թեմայի

Նիկոլ Փաշինյանը վարչապետի պաշտոնակատար չպետք է լինի. հրաժարականի իմաստը հենց դա է
Ես ու Նիկոլ Փաշինյանը գենետիկորեն տարբեր ենք. Արա Բաբլոյան
«Նիկոլը ճիշտ էր, ես սխալվեցի». Սերժ Սարգսյանը բացատրել է` ինչ է նկատի ունեցել սա ասելով
թեգերը:
ելույթ, ԱԺ, Նիկոլ Փաշինյան

Գլխավոր թեմաներ