05:40 29 հուլիսի 2021
Ուղիղ եթեր
  • USD482.32
  • GBP669.27
  • EUR570.01
  • RUB6.56
Քաղաքականություն
Ստանալ կարճ հղումը
474 0 0

Նիկոլ Փաշինայնը մեկնաբանել է ՀՀ առաջին նախագահի` քիչ առաջ արված հայտարարությունն արտահերթ ընտրությունների վերաբերյալ։

ԵՐԵՎԱՆ, 5 մայիսի- Sputnik. ՀՀ առաջին նախագահ Լևոն Տեր-Պետրոսյանը որոշել է փորձել ավազակապետական հեղափոխություն անել։ Կառավարության անդամների հետ հարցուպատասխանի ժամանակ նման կարծիք հայտնեց վարչապետի պաշտոնակատար Նիկոլ Փաշինյանը` անդրադառնալով ՀՀ առաջին նախագահի հայտարարությանը։

Տեր–Պետրոսյանն այսօր հայտնել էր` ՀՀ 2–րդ նախագահ Ռոբերտ Քոչարյանին և ՀՀ 3–րդ նախագահ Սերժ Սարգսյանին առաջարկել էր արտահերթ խորհրդարանական ընտրություններին հանդես գալ միասնական դաշինքով։ Ըստ առաջին նախագահի` Քոչարյանը հրաժարվել էր, իսկ Սարգսյանը չէր պատասխանել։ Տեր–Պետրոսյանն ասում է, որ հիմա էլ նույն առաջարկն է անում նախագահներին։

«Լևոն Տեր-Պետրոսյանն իր ընդդիմադիր քաղաքական գործունեության ընթացքում 2 անգամ փորձել է իշխանափոխություն կամ հեղափոխություն անել. առաջինը 2008-ի ժողովրդավարական հեղափոխությունն է, որը չստացվեց, երկրորդն էլ բուրժուադեմոկրատականն էր, որի ճակատագիրը բոլորիս հայտնի է։ Վստահեցնում եմ` ավազակապետական հեղափոխությունն էլ չի ստացվելու»,–ասաց Փաշինյանը։

Նրա խոսքով` փաստորեն, միակ բանը, որ քաղաքական գործունեության ընթացքում Տեր-Պետրոսյանին նախկինում մեծ ճշգրտությամբ հաջողվել է, Ռոբերտ Քոչարյանին և Սերժ Սարգսյանին իշխանության բերելն ու իշխանության պահելն էր։ Սա էլ, սակայն, ըստ Փաշինյանի, խափանվել է:

Սարգսյանն ու Քոչարյանը գենետիկորեն վախ են ներարկել ազգի մեջ պատերազմի նկատմամբ. Փաշինյան

Հիշեցնենք, որ Տեր-Պետրոսյանն ասել էր նաև, որ Փաշինյանի վարչախմբի վերարտադրությունը Հայաստանի և Արցախի համար շատ ավելի վտանգավոր է, քան նույնիսկ Ադրբեջանից ու Թուրքիայից բխող հնարավոր կամ ենթադրյալ սպառնալիքները։

Ըստ թեմայի

Հայաստանը ԼՂ-ն դուրս է թողել բանակցային գործընթացից հանուն իշխանության. Նիկոլ Փաշինյան
«Չեմ ասելու` ինչով եմ պատվաստվել». Նիկոլ Փաշինյանը` իր պատվաստանյութի մասին
Պատրաստվելով պատերազմի` մենք հակառակորդին դրդել ենք պատերազմի. Փաշինյան
թեգերը:
հեղափոխություն, Նիկոլ Փաշինյան, Լևոն Տեր-Պետրոսյան

Գլխավոր թեմաներ