ԵՐԵՎԱՆ, 6 մայիսի – Sputnik. «Վերածնվող Հայաստան» կուսակցությունը որոշել է ԱԺ արտահերթ ընտրություններին մասնակցել Հայ հեղափոխական դաշնակցության հետ նախընտրական դաշինքով։ Կուսակցությունը հայտարարություն է տարածել։
«Հաշվի առնելով Հայաստանում և Արցախում ստեղծված օրհասական վիճակը, ելնելով գաղափարակից և համախոհ քաղաքական ուժերի հետ միասնաբար հանդես գալու անհրաժեշտությունից՝ «Վերածնվող Հայաստան» կուսակցությունը որոշում է կայացրել հնարավոր արտահերթ խորհրդարանական ընտրություններին մասնակցել Հայ հեղափոխական դաշնակցության հետ նախընտրական դաշինքով, որը կգլխավորի Հայաստանի Հանրապետության երկրորդ նախագահ Ռոբերտ Քոչարյանը»,– նշված է հայտարարության մեջ:
Հիշեցնենք` Սյունիքի նախկին մարզպետ Վահե Հակոբյանն այս տարվա մարտին ստեղծեց «Վերածնվող Հայաստան» կուսակցությունը, որի ներկայացուցիչները առաջնային խնդիր են համարում սահմանային և ընդհանրապես երկրի անվտանգության ապահովումը։
Կոռեկտ չէ. Քոչարյանի գրասենյակի ղեկավարը պատասխանել է Լևոն Տեր–Պետրոսյանին
Կուսակցության վարչության կազմում են Գորիսի քաղաքապետ Առուշ Առուշանյանը, Սիսիանի քաղաքապետ Արթուր Սարգսյանը, Քաջարանի քաղաքապետ Մանվել Փարամազյանը, Մեղրի համայնքի ղեկավար Մխիթար Զաքարյանը, Տեղ համայնքի ղեկավար Ներսես Շադունցն ու Տաթևի նախկին քաղաքապետ Մուրադ Սիմոնյանը:
Ովքեր են լինելու Ռոբերտ Քոչարյանի նախընտրական ցուցակի առաջին տասնյակում. «Հրապարակ»
