09:15 19 հունիսի 2021
Ուղիղ եթեր
  • USD513.73
  • GBP713.98
  • EUR612.16
  • RUB7.12
Քաղաքականություն
Ստանալ կարճ հղումը
32931

Ռոբերի Քոչարյանը խոստացավ, որ վերանալու է արհամարհական վերաբերմունքը բիզնեսի նկատմամբ, ինչպես նաև «ասֆալտին փռելու տհաճ տեսարանները»։

ԵՐԵՎԱՆ, 9 մայիսի - Sputnik. ՀՀ երկրորդ նախագահ Ռոբերտ Քոչարյանը, Հայ Յեղափոխական Դաշնակցությունն ու «Վերածնվող Հայաստան» կուսակցությունները քիչ առաջ քաղաքական համագործակցության հռչակագիր ստորագրեցին։

Հուշագրին միացած քաղաքական ուժերը հայտարարել են առաջիկա արտահերթ ընտրություններին միասնական` «Հայաստան» դաշինքով մասնակցելու մասին։

«Հայաստան» դաշինքի նախընտրական ցուցակը գլխավորելու և որպես վարչապետի թեկնածու է հանդես գալու Ռոբերտ Քոչարյանը։

Հռչակագիրը ստորագրեցին ՀՀ երկրորդ նախագահ Ռոբերտ Քոչարյանը, ՀՅԴ Հայաստանի ԳՄ ներկայացուցիչ Իշխան Սաղաթելյանն ու «Վերածնվող Հայաստան» կուսակցության նախագահ Վահե Հակոբյանը։

Մինչ ստորագրումը Ռոբերտ Քոչարյանը նախ շնորհավորեց հայ ժողովրդին մայիսյան եռատոնի առիթով։
«Ճիշտ է, տոնելու տրամադրություն չկա, բայց մենք իրավունք չունենք մոռանալու այն մարդկանց, ովքեր այդ տոները նվիրել են մեր ժողովրդին»,– ասաց նա։

Խոսելով դաշինքի ձևավորման մասին` Քոչարյանը շեշտեց, որ Հայաստանն այսօր կանգնած է անվտանգության մարտհրավերների դեմ, ունի կառավարման ու տնտեսական ճգնաժամ։

Արտահերթ ընտրություններն անցկացվելու են այս պահին գործող օրենքով. Հովակիմյան

«Երկրում ակնհայտ է նաև ինքնության ճգնաժամ, և պետք են ուժեր, մարդիկ, ովքեր բավարար չափով փորձ ունեն այսպիսի մարտահրավերներ հաղթահարելու համար։ Ինչո՞ւ ես։ Ունեմ մեծ կառավարման փորձ ճգնաժամային իրավիճակներում, ունեմ բավարար գիտելիքներ անվտանգության, պաշտպանության համակարգում, ունեմ փորձ տնտեսական ճգնաժամ հաղթահարելու հարցում»,– ասաց Քոչարյանը նշելով, որ իր փորձն ու ներկա վտանգները գրեթե համընկնում են։

Անդրադառնալով իր քաղաքական գործընկերներին` Քոչարյանը շեշտեց, որ ՀՅԴ–ն աշխարհով մեկ պայքարել ու պայքարում է հայերի ինքնությունը պահպանելու համար։ Բացի այդ, ինքն ունի այդ կուսակցության հետ արդյունավետ համագործակցության փորձ։ Իսկ Սյունիքում ստեղծված «Վերածնված Հայաստան»–ը, նրա խոսքով, ընտրվել է Սյունիքին սպառնացող վտանգի մտահոգությամբ։

Ишхан Сагателян, Роберт Кочарян и Ваге Акопян на мероприятии, посвященное началу политического сотрудничества между вторым президентом Робертом Кочаряном, АРФД и партией «Возрождение Армении»  (9 мая 2021). Еревaн
© Sputnik / Asatur Yesayants
ՀՀ երկրորդ նախագահ Ռոբերտ Քոչարյանը (կենտրոնում), ՀՅԴ Հայաստանի ԳՄ ներկայացուցիչ Իշխան Սաղաթելյանն ու «Վերածնվող Հայաստան» կուսակցության նախագահ Վահե Հակոբյանը

«Սյունիքից է կախված` մենք մնալու ենք որպես գործոն այս տարածաշրջանում, թե դառնալու ենք կցորդ այս տարածաշրջանում»,– ասաց Քոչարյանը` հավելելով, որ Սյունիքն իրենց պայքարի սիմվոլն է։

Երկրորդ նախագահը շեշտեց, որ գործող իշխանությունը պետք է հեռանա, քանի որ պատասխանատու է այսօր երկրի առջև կանգնած մարտահրավերների համար, քանի որ «բերում է մահ, տառապանք և ավերում է այն, ինչին դիպչում է»։ Բացի այդ, նրա խոսքով, Արցախի վաճառքի ու դավաճանության կասկածը ժողովրդի մոտ մնալու է այնքան, որքան այս իշխանությունը կմնա իշխանության ղեկին։

ՔՊ–ն արտահերթ ընտրություններին կմասնակցի առանձին՝ առանց դաշինքի. Մակունց

«Դատարկ խոստումներ չենք տալու, մեր հաջողության գրավականը լինելու է արհեստավարժությունը, փորձը, ջանասիրությունը և սերը` երկրի նկատմամբ։ Մենք առաջարկելու եք աշխատղ երկրի կոնցեպտը, նորից երկիրը վերածելու ենք շինհրապարակի, առաջնային խնդիր է դառնալու տասնյակ հազարավոր նոր աշխատատեղերի ստեղծումը ամեն տարի։ Մեկ անգամ դա արվել է, վստահ եմ, որ կարողանալու ենք այդ ամենը ևս մեկ անգամ կրկնել»,– ասաց Քոչարյանը։

Նա նաև խոստացավ, որ վերանալու է արհամարհական վերաբերմունքը բիզնեսի նկատմամբ, ինչպես նաև «ասֆալտին փռելու տհաճ տեսարանները», սուտը բացառվելու է պետական համակարգում։

Ишхан Сагателян выступает на мероприятии, посвященное началу политического сотрудничества между вторым президентом Робертом Кочаряном, АРФД и партией «Возрождение Армении» (9 мая 2021). Еревaн
© Sputnik / Asatur Yesayants
ՀՅԴ Հայաստանի ԳՄ ներկայացուցիչ Իշխան Սաղաթելյան

Հիշեցնենք`ՀՀ վարչապետ Նիկոլ Փաշինյանն Ազգային ժողովի «Բարգավաճ Հայաստան» և «Լուսավոր Հայաստան» խմբակցությունների ղեկավարների հետ հանդիպումներից հետո հայտարարել էր, որ երկրում հունիսի 20-ին կանցկացվեն արտահերթ խորհրդարանական ընտրություններ:

Ապրիլի 25-ին Նիկոլ Փաշինյանը հրաժարական է ներկայացրել ՀՀ վարչապետի պաշտոնից, որպեսզի, խորհրդարանի լուծարմամբ, երկրում կազմակերպվեն արտահերթ խորհրդարանական ընտրություններ: Ըստ ՀՀ սահմանադրության, եթե խորհրդարանում երկու անգամ վարչապետ չի ընտրվում, ապա Ազգային ժողովը լուծարվում է:

Ազգային ժողովը մայիսի 3-ի հատուկ նիստում քվեարկության արդյունքում Փաշինյանին չընտրեց ՀՀ վարչապետի պաշտոնում։

Վարչապետի ընտրության հարցը կրկին խորհրդարանում կլինի վաղը՝ մայիսի 10-ին։

Ըստ թեմայի

Նիկոլ Փաշինյանը հայտնեց` ինչ կարգախոսով է «Իմ քայլը» մասնակցելու ընտրություններին
Մասնակցելո՞ւ եք ընտրություններին և ինչո՞ւ. հարցախույզ Երևանում
«Սպաներ, միացեք». ԱԱԾ պահեստազորի սպաների միությունը վերահսկելու է գալիք ընտրությունները
թեգերը:
«Վերածնվող Հայաստան» կուսակցություն, Հայ Յեղափոխական Դաշնակցություն (ՀՅԴ), Ռոբերտ Քոչարյան, «Հայաստան» դաշինք

Գլխավոր թեմաներ