02:32 04 օգոստոսի 2021
Ուղիղ եթեր
  • USD490.93
  • GBP683.08
  • EUR583.32
  • RUB6.74
Քաղաքականություն
Ստանալ կարճ հղումը
577 0 0

Նիկոլ Փաշինյանի խոսքով` քանի որ Ադրբեջանի ԶՈւ–ն ամբողջությամբ չի լքել ՀՀ տարածքը, դրա համար էլ Ռուսաստանից ռազմական օգնություն է խնդրել։

ԵՐԵՎԱՆ, 14 մայիսի – Sputnik. Կան տեղեր, որտեղ Ադրբեջանի ԶՈւ–ն լքել է Հայաստանի տարածքը, սակայն քանի որ ամբողջությամբ չեն հեռացել ՀՀ տարածքից, վարչապետի պաշտոնակատար Նիկոլ Փաշինյանն այսօր նամակով դիմել է ՌԴ նախագահին։ ԱԺ արտահերթ նիստի ժամանակ այդ մասին հայտարարեց Փաշինյանը։

Նշենք, որ երեկ երեկոյան Փաշինյանը հեռախոսազրույց է ունեցել ՌԴ նախագահ Վլադիմիր Պուտինի հետ` քննարկելով Սյունիքի սահմանների տիրող իրավիճակը։ ԱԺ փոխնախագահ Ալեն Սիմոյանն այսօր հայտնել էր, որ Փաշինյանը Պուտինից ռազմական օգնություն է խնդրել։

«Այսօր նամակով դիմել եմ ՌԴ նախագահին և ասել, որ երկու երկրների միջև գործող պայմանագրի համաձայն` ՌԴ–ն ռազմական օգնություն ցուցաբերի Հայաստանին»,–ասաց Փաշինյանը։

Նա նշեց, որ երեկ, երբ զրուցել է Պուտինի հետ, օգնություն չի խնդրել, քանի որ երկու երկրների ղեկավարների տեսակետները համընկել են։

«ՌԴ նախագահն էլ ասել է, որ ինքն էլ է կարծում` Ադրբեջանի ԶՈւ–ն պետք է վերադառնան ՀՀ սահմանից անդին։ Կա ավելի կարևոր մաս` երեկոյան արձանագրվել է, որ ձեռք է բերվել պայմանավորվածություն, որ այսօր Ադրբեջանի զինված ուժերը պետք է լքեն մեր տարածքը»,–ասաց Փաշինյանը։

Նրա խոսքով` վերջին օրվա ընթացքում այդ պայմանավորվածությունը մասամբ է կատարվել, ինչի համար էլ նա այսօր է նամակով դիմել Պուտինին։

Փաշինյանը հավելեց` Ֆրանսիայի նախագահ Էմանուել Մակրոնը հայտնել է, որ Ֆրանսիան նույնպես պատրաստ է ռազմական օգնություն ցուցաբերել Հայաստանին։

Հիշեցնենք` ՀՀ ՊՆ մամուլի ծառայությունը հայտնել էր, որ մայիսի 12-ի առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։

Նույն օրը ՀՀ վարչապետի պաշտոնակատար Նիկոլ Փաշինյանն Անվտանգության խորհրդի նիստում հայտարարեց, որ սա Ադրբեջանի կողմից դիվերսիայի փորձ է, և որ խնդիրը պետք է կարգավորվի բանակցությունների միջոցով։

ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։

ԱԽ նիստ կայացավ նաև մայիսի 13-ին։ Փաշինյանը հայտարարեց, որ հանձնարարել է ՀԱՊԿ պայմանագրով նախատեսված խորհրդակցություններ սկսել։

Պետք է պատրաստ լինենք հնարավոր վատ զարգացումներին. Ավինյանը` Սյունիքի մասին

Ըստ թեմայի

Սև լիճը ՀՀ հարավային ամենանեղ հատվածում է. Փաշինյանը բացահայտել է Ադրբեջանի նպատակը
ՀԱՊԿ–ով գործարկել ենք մեխանիզմ, որը քաղաքական և ուժային լուծում է նախատեսում. Փաշինյան
ՀԱՊԿ Հավաքական անվտանգության խորհրդի նախագահը Սյունիքի հետ կապված կարգադրություններ է տվել
թեգերը:
Հայաստան, Նիկոլ Փաշինյան, Վլադիմիր Պուտին

Գլխավոր թեմաներ