ԵՐԵՎԱՆ, 22 մայիսի - Sputnik. Ադրբեջանի նախագահ Իլհամ Ալիևը մեկնաբանել է Հայաստանի հետ խաղաղության պայմանագրի ստորագրման հնարավորությունը: Նա գրառում է արել Twitter–ում` հայտարարելով, որ պատրաստ է աշխատել նոր համաձայնագրի վրա:
«Հուսով ենք, որ Հայաստանում ընտրություններից հետո այս հարցում ավելի հստակություն կլինի: Խաղաղության համաձայնագիրը նախատեսում է երկու երկրների տարածքային ամբողջականության ճանաչում, և մենք պատրաստ ենք դրան», - գրել է Ալիևը:
Azerbaijan is prepared to work with Armenia on the peace treaty. We hope that there will be more clarity on this matter after the elections in Armenia. The peace treaty stipulates the recognition of the territorial integrity of both countries, and we are ready for that.
— Ilham Aliyev (@presidentaz) May 21, 2021
Ավելի վաղ Ալիևը հայտարարել էր, որ Ադրբեջանի ու Հայաստանի միջև խաղաղ պայմանագրի կնքումը հնարավոր է, և դա իրական կդարձնի երկու երկրների ազատ առևտուրը Վրաստանի հետ, սակայն դրա համար հարկավոր է Երևանի քաղաքական կամքը:
Հիշեցնենք` մայիսի 12-ի առավոտյան ադրբեջանական զինուժը «սահմանների ճշգրտման» հիմնավորմամբ փորձել է որոշակի աշխատանքներ իրականացնել Սյունիքի սահմանային հատվածներից մեկում, սակայն հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։
Նույն օրը ՀՀ վարչապետի պաշտոնակատար Նիկոլ Փաշինյանն անվտանգության խորհրդի նիստում հայտարարեց, որ սա Ադրբեջանի կողմից դիվերսիայի փորձ է, և որ խնդիրը պետք է կարգավորվի բանակցությունների միջոցով։
ՊՆ–ն մայիսի 13-ին հայտնեց, որ Ադրբեջանը հերթական սադրանքն է իրականացրել Վարդենիսի և Սիսիանի սահմանային հատվածներում։
Մայիսի 14–ին Փաշինյանը հայտարարեց, որ կեսօրին պաշտոնապես դիմել են ՀԱՊԿ և ռազմական աջակցության հարցով դիմել ՌԴ նախագահ Վլադիմիր Պուտինին։
Մայիսի 13-ից ադրբեջանցիների հետ բանակցություններ են անցկացվում։
