ԵՐԵՎԱՆ, 24 մայիսի - Sputnik․ Իրանի ճանապարհների և քաղաքային զարգացման նախարար Մոհամադ Էսլամին այցով գտնվում է Հայաստանում: Այս մասին տեղեկանում ենք ՀՀ կառավարության կայքից։
Նշվում է, որ Էսլամին Հայաստանում կլինի մայիսի 23-25-ը։
Ինչպես հաղորդում են իրանական ԶԼՄ-ները, Իրանի ճանապարհների և քաղաքային զարգացման նախարարը հանդիպումներ կունենա Հայաստանի տարածքային կառավարման և ենթակառուցվածքների նախարարի պաշտոնակատար Սուրեն Պապիկյանի և փոխվարչապետի պաշտոնակատար Մհեր Գրիգորյանի հետ: Կքննարկվի Հյուսիս-Հարավ ավտոմայրուղուն, երկաթուղային և այլ ներդրումային նախագծերին իրանական ընկերությունների մասնակցությանը վերաբերող հարցեր:
Նշվում է, որ Մոհամադ Էսլամիի գլխավորած պատվիրակության՝ Հայաստանում գտնվելու ընթացքում կեցության, արարողակարգային և այլ միջոցառումների համար ՀՀ բյուջեից հատկացվել է 808 հազար դրամ։
Ավելի վաղ հայտնի էր դարձել, որ մոտ օրերս Հայաստան կայցելի Իրանի արտաքին գործերի նախարար Մոհամմադ Ջավադ Զարիֆը:
Իրանը հերքում է իր տարածքում 160 հայ զինվորների վերաբերյալ լուրը
