04:11 19 հունիսի 2021
Ուղիղ եթեր
  • USD513.73
  • GBP713.98
  • EUR612.16
  • RUB7.12
Քաղաքականություն
Ստանալ կարճ հղումը
253 0 0

«Լուսավոր Հայաստան» կուսակցության հայտարարությունը բաց է բոլոր քաղաքական ուժերի ստորագրման համար։

ԵՐԵՎԱՆ, 25 մայիսի - Sputnik. «Լուսավոր Հայաստան» կուսակցությունը հայտարարություն է տարածել, որում հորդորում է ՀՀ արտաքին գործերի նախարարությանը անհապաղ դիմել ՄԱԿ–ի անվտանգության խորհրդին` Ադրբեջանի իրականացրած ագրեսիայի և Հայաստանի Հանրապետության տարածքային ամբողջականության խախտմամբ միջազգային խաղաղության և անվտանգության սպառնալիքի առաջացման հիմքով։

ԼՀԿ–ն արձանագրում է, որ Ադրբեջանի զինված ուժերը 2021թ. մայիսի 12–ից խախտել են ՀՀ տարածքային ամբողջականությունը, կիրառել սպառազինություն ու առ այսօր դուրս չեն գալիս` շարունակելով բռնազավթված պահել ՀՀ ինքնիշխան տարածքը։

«Ադրբեջանը նաև հրահրում է զինված բախում, որի հետևանքով այսօր՝ մայիսի 25–ին, սպանվել և վիրավորվել են Հայաստանի Հանրապետության զինված ուժերի ծառայողներ»,– ասված է հայտարարության մեջ։

ԼՀԿ–ն նշում է, որ ՄԱԿ–ի կանոնադրության համաձայն` ՄԱԿ–ի անվտանգության խորհուրդը նման դեպքերում իրավասու է հետաքննել ցանկացած վեճ կամ իրավիճակ, որը կարող է հանգեցնել միջազգային լարվածության, որոշելու համար` արդյո՞ք տվյալ վեճի կամ իրավիճակի շարունակվելը վտանգում է միջազգային խաղաղությունն ու անվտանգությունը։

Բացի այդ, անվտանգության խորհուրդը որոշում է խաղաղության ցանկացած վտանգման, խաղաղության խախտման կամ ագրեսիայի ակտի առկայությունը և հանձնարարականներ ներկայացնում կամ վճռում, թե ինչ միջոցներ պետք է ձեռնարկվեն միջազգային խաղաղության ու անվտանգության պահպանման կամ վերականգնման համար։

«Լուսավոր Հայաստան» կուսակցությունը հայտնում է, որ հայտարարությունը բաց է բոլոր քաղաքական ուժերի ստորագրման համար։

Հիշեցնենք` ադրբեջանցի զինվորականները մայիսի 12-ից Հայաստանի Սյունիքի մարզում գտնվող Սև լճի տարածքում են և փորձում են ամրապնդվել այնտեղ։ Նմանատիպ իրավիճակ է նաև Գեղարքունիքի մարզի Կութ գյուղի հատվածում։

Ռուսական կողմի միջնորդությամբ բանակցությունների մի քանի փուլ է կայացել։ Հակառակորդն առայժմ հեռանալու մտադրություն դեռ չունի։ Հայաստանը դիմել է ՀԱՊԿ-ին և ռազմական օգնություն խնդրել Ռուսաստանից։

Ռազմաքաղաքական ղեկավարությունը հայտարարում է, որ ցանկանում է խնդիրը լուծել խաղաղ ճանապարհով, բայց չի բացառում նաև ուժի կիրառման տարբերակը, եթե բանակցությունները արդյունք չտան։

ՀՀ վարչապետի պաշտոնակատար Նիկոլ Փաշինյանը մայիսի 14-ին ԱԺ–ում հայտարարել էր, որ սյունիքյան սրացումների հետ կապված` Ֆրանսիայի նախագահ Էմանուել Մակրոնը հայտնել է` պատրաստ է Հայաստանին նաև ռազմական աջակցություն ցուցաբերել։

ՀՀ պաշտպանության նախարարությունն այսօր հայտնեց, որ ժամը 14։20-ի սահմաններում, հրազենի կիրառմամբ միջադեպ է գրանցվել Հայաստանի Հանրապետության Գեղարքունիքի մարզի Վերին Շորժայի սահմանային հատվածում. հակառակորդի կողմից հայ դիրքապահների ուղղությամբ կրակահերթեր են արձակվել։

Ավելի ուշ հայտնի դարձավ, որ Վերին Շորժայրում հակառակորդի կրակոցից հայ զինծառայող է զոհվել։

Ըստ թեմայի

Եթե իշխանությունը Սյունիք մտած թուրքի դեմ չի կռվում, ռուսը պիտի ասի՝ չէ, կռվե՞նք. Աբովյան
Հարցը թիվը չէ, այլ դրոշը ցույց տալը․ Զատուլինը անդրադարձել է Սյունիքի իրավիճակին
«Որ մի անգամ «լապատկան» խփես գլխին, հաջորդ անգամ մեր «զաբոռին» մոտ չեն գա». Շադունց
թեգերը:
Ադրբեջան, «Լուսավոր Հայաստան» կուսակցություն, Հայաստան

Գլխավոր թեմաներ