ԵՐԵՎԱՆ, 27 մայիսի – Sputnik. Լևոն Շիրինյանի Քրիստոնեա-դեմոկրատական կուսակցությունը հետ է վերցրել ԱԺ արտահերթ ընտրություններին մասնակցելու հայտը։
Բանն այն է, որ նախօրեին կուսակցությունը ընտրություններին մասնակցելու միանգամից երկու հայտ էր ներկայացրել՝ մեկը ՝ առանձին մասնակցության, իսկ երկրորդը՝ «Հանուն հանրապետության» կուսակցության հետ համատեղ ստեղծված «Շիրինյան-Բաբաջանյան» դաշինքի կազմում։ Բայց հետո կուսակցությունը մտափոխվել է և որոշել է ընտրություններին մասնակցել Բաբաջանյանի հետ։
Ավելի վաղ լրատվամիջոցներում լուրեր էին շրջանառվում, որ կուսակցական առաջնորդների միջև լուրջ տարաձայնություններ են առաջացել, որոնք անհնար են դարձնում նրանց համատեղ մասնակցությունը ընտրություններին: Սակայն դաշինքի մամուլի ծառայությունը հերքել էր այդ լուրը։
Ռազմական դրություն հայտարարելու քննարկում չկա, ընտրությունները կկայանան. Մակունց
Փաստաթղթերը ԿԸՀ ներկայացնելու ժամկետն ավարտված է, և քաղաքական կուսակցությունները չեն կարող այլևս հայտ ներկայացնել ընտրություններին մասնակցելու համար: Քաղաքական գործիչների թիվը չի կարող ավելանալ, բայց կրճատվել կարող է, քանի որ հանձնաժողովը պետք է քննարկի փաստաթղթերի համապատասխանությունը օրենսդրական պահանջներին։
ԿԸՀ-ում հերթ էր. կուսակցությունները շտապում էին գրանցվել ընտրությունների համար
«2012 թվականից այս կողմ նման մեծ թվով մասնակիցներ, որոնք առաջադրման փաստաթղթեր են ներկայացրել։ Երբ մենք հաշվարկներ էինք անում, այդքան քաղաքական ուժերի մասնակցություն չէինք նախատեսել, ուստի ընտրությունների կազմակերպման ծախսերը կավելանան»,– ասաց ԿԸՀ նախագահ Տիգրան Մուկուչյանը։
Նշենք, որ ԱԺ արտահերթ ընտրությունները տեղի կունենան հունիսի 20-ին։ ԿԸՀ փաստաթղթեր են ներկայացրել 22 կուսակցություն և 4 դաշինք։ Քաղաքական ուժերի գրանցումը կավարտվի մայիսի 31-ին՝ ժամը 18:00-ին:
