17:31 25 հունիսի 2021
Ուղիղ եթեր
  • USD499.38
  • GBP694.29
  • EUR596.36
  • RUB6.92
Քաղաքականություն
Ստանալ կարճ հղումը
196 0 0

Արագածոտնի մարզի Ծաղկահովիտ համայնքում և Շիրակի մարզի Սառնաղբյուր համայնքում տեղի ունեցած դեպքերի մասին տեղեկացրել են իրավապահներին։

ԵՐԵՎԱՆ, 5 հունիսի – Sputnik. Հունիսի 4-ի գիշերը մի խումբ անձինք դիտավորությամբ վնասել ու ոչնչացրել են Արագածոտնի մարզի Ծաղկահովիտ համայնքում և Շիրակի մարզի Սառնաղբյուր համայնքում տեղակայված «Հայաստան» դաշինքի շտաբների պաստառները: Տեղեկությունը հայտնում է «Հայաստան» դաշինքի կենտրոնական շտաբի պաշտոնական ներկայացուցիչ Արամ Վարդևանյանը։

«Հասարակական կարգին ցինիկաբար վերաբերող իշխանական սադրիչներին ուղղակի զգուշացնում եմ` հետո ձեր պատվերների հեղինակ մարզպետները ու հեղինակությունները` ձեզ օրենքից չեն պաշտպանելու ու ընդհատակ են անցնելու»,– նշված է նրա հայտարարության մեջ:

Վարդևանյանի խոսքով` հետաքրքիր զուգադիպությամբ Ծաղկահովիտ համայնքում տեղի ունեցածին նախորդել էր իշխանության մարզպետի այցը հենց այդ համայնք: Նշված դեպքերի վերաբերյալ արդեն իսկ իրավապահները տեղեկացվել են, չնայած, «Հայաստան» դաշինքի կենտրոնական շտաբի պաշտոնական ներկայացուցչի խոսքով, այսպիսի դեպքերով մինչ օրս հարկադրանքի միջոցները պատշաճ չեն:

Հիշեցնենք` Ռոբերտ Քոչարյանը, ՀՅԴ-ն ու «Վերածնվող Հայաստանը» մայիսի 9-ին համագործակցության հռչակագիր ստորագրեցին։ Հուշագրին միացած քաղաքական ուժերը հայտարարեցին, որ ԱԺ արտահերթ ընտրություններին մասնակցելու են «Հայաստան» դաշինքով։

Մայիսի 19-ին «Հայաստան» դաշինքի նախընտրական կենտրոնական շտաբի պաշտոնական ներկայացուցիչ Արամ Վարդևանյանը հայտարարեց, որ ոստիկանության առանձին ծառայողներ առանց որևէ հիմնավորման ներս են մտել «Հայաստան» դաշինքի մարզային շտաբներ և հետաքրքրվել շտաբի ցուցանակի, շտաբի կազմակերպչական այլ հարցերի մասին։

Ավելի ուշ ոստիկանությունը պարզաբանեց, որ իրենց տարածքները սպասարկող ոստիկանության ծառայողներն այցելում են բոլոր նախընտրական շտաբներ, շտաբի պետերին հանձնում անձնական տվյալներով իրենց այցեքարտերը ու խնդրում նրանց կոնտակտային տվյալները՝ անհրաժեշտության դեպքում համագործակցելու նպատակով:

 Հայաստանում արտահերթ խորհրդարանական ընտրությունները կայանալու են հունիսի 20-ին։ Ընտրություններին մասնակցելու հայտ է ներկայացրել 27 քաղաքական ուժ։ ԿԸՀ–ն այս պահին արտահերթ նիստ է անում օրենքին նրանց ներկայացրած փաստաթղթերի համապատասխանությունը որոշելու համար։ 

Նախընտրական քարոզարշավը պաշտոնապես կմեկնարկի հունիսի 7-ին։

Ըստ թեմայի

«Հայաստան» դաշինքը չի կարելի կապել միայն Ռոբերտ Քոչարյանի անվան հետ. Վարդանյան
«Հայաստան» դաշինքի գլխավոր շտաբը կղեկավարի Արմեն Գևորգյանը
թեգերը:
«Հայաստան» դաշինք, Հայաստան

Գլխավոր թեմաներ