21:48 13 հունիսի 2021
Ուղիղ եթեր
  • USD518.61
  • GBP733.68
  • EUR630.16
  • RUB7.24
Քաղաքականություն
Ստանալ կարճ հղումը
176 0 0

ՀՀ նախագահ Արմեն Սարգսյանը հունիսի 3-ից աշխատանքային այցով գտնվում է Ղազախստանի Հանրապետությունում։ Հանդիպումներում քննարկվել են հայ-ղազախական երկկողմ համագործակցությանը, ինչպես նաև ԵԱՏՄ և ՀԱՊԿ շրջանակներում գործակցությանը վերաբերող հարցեր:

ԵՐԵՎԱՆ, 6 հունիսի - Sputnik. Աշխատանքային այցով Ղազախստանի Հանրապետությունում գտնվող՝ Հայաստանի Հանրապետության նախագահ Արմեն Սարգսյանը Նուր-Սուլթանում հանդիպել է հայ համայնքի ներկայացուցիչների հետ:
Նախագահն ընդգծել է, որ Ղազախստանը Կենտրոնական Ասիայում քաղաքական առաջնորդ երկիր է, ՀԱՊԿ և ԵԱՏՄ անդամ, որը թե՛ մեր, թե՛ Ադրբեջանի ու Թուրքիայի հետ ունի շատ լավ հարաբերություններ:

Հայաստանի ու Ղազախստանի նախագահները հանդիպել են. ինչի՞ մասին են խոսել նրանք

«Ղազախստանը մեր բարեկամն է, և մենք ամեն բան պետք է անենք, որ մեր հարաբերությունները լինեն խորը, ջերմ և ամենօրյա: Հենց այդ նպատակով էլ եկել եմ՝ ամրապնդելու մեր բարեկամական հարաբերությունները»,– ասել է Սարգսյանը։

Президент Армен Саркисян встретился с представителями армянской общины Казахстана (6 июня 2021). Нур-Султан
© Photo / official site of the President of RA
Արմեն Սարգսյանը Նուր-Սուլթանում հանդիպել է հայ համայնքի ներկայացուցիչների հետ:

Ներկայացնելով իրավիճակը Հայաստանում՝ նախագահն ընդգծել է, որ ներկա պահին Արցախյան հակամարտության մեջ ինչ–որ առումով զինադադար է, բայց պատերազմը չի ավարտվել, չկա պայմանագիր, չկա խաղաղություն:

«Անհայտ է՝ ուր ենք գնալու Արցախի կարգավիճակի ուղղությամբ, երբ են սկսվելու և ինչ ընթացք են ունենալու բանակցությունները: Ինչպես են ձևավորվելու ապագա հարաբերությունները Հայաստանի և Ադրբեջանի սահմանին,– ասել է նա,– Եթե ադրբեջանցի զինվորը Հայաստանի տարածք է մտնում կես, էլ չեմ ասում մի քանի կիլոմետր, դա մեծ ահազանգ է մեզնից յուրաքանչյուրի համար: Շատ մեծ խնդիր է Ադրբեջանում գերության մեջ գտնվող մեր զինվորների հարցը: Հայաստանն ադրբեջանցի գերիներին վերադարձրել է, իսկ Ադրբեջանը դա չի անում և նրանց փորձում է օգտագործել որպես խաղաքարտ: Սա բացարձակ անընդունելի է»:

Անհրաժեշտ միջոցների ձեռնարկումն անհետաձգելի է․ Արմեն Սարգսյանը՝ Վաղարշակ Հարությունյանին

Արմեն Սարգսյանը նաև ընդգծել է, որ ստեղծված իրավիճակի համար բոլոր պատասխանատուները պետք է պատասխանատվության կանչվեն:

Բայց ամենից առաջ տարբեր քաղաքական հայացքներ ունեցողները պետք է մտածեն, որ միասին պետք է հաղթահարեն բոլոր խնդիրները:

Президент Армен Саркисян встретился с представителями армянской общины Казахстана (6 июня 2021). Нур-Султан
© Photo / official site of the President of RA
Արմեն Սարգսյանը Նուր-Սուլթանում հանդիպել է հայ համայնքի ներկայացուցիչների հետ:

«Բացարձակապես չեմ ընդունում, որ մեր ժողովրդին, մեր քաղաքացիներին բաժանեն հնի ու նորի, սևի ու սպիտակի: Բոլորս հայ ենք, հայ լինելով՝ մեզնից յուրաքանչյուրն անհատականություն է և ունի իր կարծիքը»,–ասել է Սարգսյանը:

ՀՀ նախագահ Արմեն Սարգսյանը հունիսի 3-ից աշխատանքային այցով գտնվում է Ղազախստանի Հանրապետությունում։
Այցի ընթացքում ՀՀ նախագահը հանդիպել է Ղազախստանի նախագահ Կասիմ-Ժոմարտ Տոկաևի, Ղազախստանի առաջին նախագահ Նուրսուլթան Նազարբաևի, ինչպես նաև Ղազախստանի խորհրդարանի ղեկավարության հետ:

Արմեն Սարգսյանը գերեվարված զինծառայողների հարցով խոսել է ԶՈւ գլխավոր շտաբի պետի հետ

Հանդիպումներում քննարկվել են հայ-ղազախական երկկողմ համագործակցությանը, ինչպես նաև ԵԱՏՄ և ՀԱՊԿ շրջանակներում գործակցությանը վերաբերող հարցեր:

Ըստ թեմայի

Արմեն Սարգսյանն ընդունել է Ռուսաստանի դեսպանին. տեսանյութ
Արմեն Սարգսյանը սահմանային իրավիճակը քննարկել է ՀՀ–ում ԵՄ պատվիրակության ղեկավարի հետ
Արմեն Սարգսյանը նոր հրամանագիր է ստորագրել
թեգերը:
Ղազախստան, Արմեն Սարգսյան

Գլխավոր թեմաներ