05:25 23 հունիսի 2021
Ուղիղ եթեր
  • USD513.07
  • GBP711.63
  • EUR609.73
  • RUB7.01
Քաղաքականություն
Ստանալ կարճ հղումը
ԱԺ արտահերթ ընտրություններ 2021 (290)
348 0 0

Էդմոն Մարուքյանի խոսքով` իրենք այն ուժն են, որ պատերազմից անմիջապես հետո առաջակել են պարիտետային փաստահավաք խումբ ստեղծել , Փաշինյանն էլ, նախկին իշխանություններն էլ մերժել են։ Հիմա նրանք իրավունք չունեն խոսել օբյեկտիվ քննությունից։

ԵՐԵՎԱՆ, 7 հունիսի - Sputnik. «Լուսավոր Հայաստան» խմբակցության ղեկավար Էդմոն Մարուքյանը, քարոզարշավի մեկնարկից հետո լրագրողների հետ զրույցում հայտարարեց, որ իր համար  նորություն էր Նիկոլ Փաշինյանի այն հայտարարությունը, որով մեղադրում էր Զինված ուժերի ԳՇ նախկին պետ Օնիկ Գասպարյանին։

«Ինձ համար նորություն էր նաև Տավուշի մարզի անկլավների հարցը»,–ասաց նա։

Նշենք, որ Փաշինյանը հունիսի 4-ին Արարատի մարզի Արտաշատ քաղաքում իր համակիրների հետ հանդիպման ժամանակ ասել էր, որ իրեն մեղադրում են Մեղրիով միջանցք տալու մեջ, բայց այդ գաղափարը բանակցային սեղանին հայտնվել է 1998 թվականին։ Նա հայտարարել էր, որ նոյեմբերին Տավուշի շրջանի գյուղերն Ադրբեջանին տալու թեման էլ է եղել։ ԶՈւ գլխավոր շտաբի պետն ասել է` ստորագրի այդ թուղթը, որից Փաշինյանը հրաժարվել է։

Օնիկ Գասպարյանն էլ իր հերթին հայտարարել է, որ Փաշինյանն անցնում է պարկեշտության բոլոր սահմանները։ Նա Փաշինյանին էժանագույն շոուների մեծագույն վարպետ էր անվանել։

««Լուսավոր Հայաստանն» այն ուժն է, որ պատերազմից անմիջապես հետո առաջակել է պարիտետային փաստահավաք խումբ ստեղծել , Փաշինյանն էլ, նախկին իշխանություններն էլ  մերժել են այդ խումբը ստեղծելու առաջարկը։ Հիմա որևէ մեկը պատերազմի մասին որևէ բան որ ասում է, պետք է հիշի` ինքը մերժե՞լ է այդ օբյեկտիվ քննությունը, թե՞ չէ, եթե մերժել է, ապա այդ փաստարկները լեգիտիմ չեն։ Եթե դու անկեղծ էիր ու ուզում էիր դա բացահայտվի, ոչ թե դու քննեիր, այլ անկախ մարմինը բացահայտեր, պետք է կողմ լինեիր մեր առաջարկին»,–ասաց Մարուքյանը։

Ընտրական հանցագործությունների բացահայտման հարցում դրսևորվելու է խիստ հետևողականություն. ԳԴ

Անդրադառնալով ԱԱԾ–ի այսօր տարածած  հաղորդագրությունը պետական դավաճանության մի գործի մասին` Մարուքյանը շեշտեց, որ սովորության համաձայն նման լուրերը Փաշինյանն առաջինն է հայտարարում, սա էլ բացառություն չէր։

«Պետական դավաճանության մասին սկզբում Փաշինյանն ասաց, մարդիկ զարհուրեցին, խառնվեցին իրար, հետո նոր եղավ ԱԱԾ–ի հաղորդագրությունը։ Ինքն ուզում է բոլոր լուրերի հեղինակը լինել, այդ առումով էլ է վարչական  ռեսուրսն օգտագործում»,–ասաց նա։

Հիշեցնենք` վարչապետի պաշտոնակատար Նիկոլ Փաշինյանը դեռ հունիսի 4-ին ասել էր` առաջիկա օրերին նոր հաղորդագրություն կլինի պետական դավաճանության դեպքի մասին, որտեղ ներգրավված է նաև կամավորական ջոկատներից մեկի հրամանատարը։

ԱԱԾ–ն տեղեկացնում է, որ «Անբասիր ծառայության համար», «Մարտական գործողություններին մասնակցելու համար» մեդալներով, կրծքանշաններով, կառավարական պարգևով պարգևատրված նախկին զինվորականը, իր հետ ընկերական հարաբերությունների մեջ գտնվող և ՀՀ քաղաքացի հանդիսացող մեկ այլ անձի հետ աշխատանք փնտրելու պատրվակով մեկնել են Թուրքիա։

Վերջիններս այնտեղ հայտնվել են Ադրբեջանի հատուկ ծառայությունների տեսադաշտում՝ նրանցից ընդունելով նյութական օգուտներ ստանալու դիմաց հավաքագրվելու և ի վնաս ՀՀ տարածքային անձեռնմխելիության և արտաքին անվտանգության գործելու առաջարկը:

Փաշինյանի ու Քոչարյանի ընտրողների թիվը գրեթե հավասարվել է. սոցհարցում

Արդյունքում նրանք հնարավորություն են տվել թշնամուն տեղորոշել սպառազինության և ռազմական տեխնիկայի գտնվելու վայրերը և կատարել անվրեպ խոցումներ, նպատակաուղղված հարվածներ հասցնել թիրախներին, շարքից հանել հայկական բանակային միավորումները, զինտեխնիկան և կենդանի ուժը։

թեմա:
ԱԺ արտահերթ ընտրություններ 2021 (290)

Ըստ թեմայի

Ինչո՞ւ ՀՀԿ-ն որոշեց մտնել ընտրական գործընթացների մեջ. պարզաբանում է Գալուստ Սահակյանը
2600 թեկնածու 2,5 մլն ընտրողի համար, կամ ովքեր են ուզում պատգամավոր դառնալ Հայաստանում
Ամեն ինչ իշխանությանը դեմ է. ինչ են քարոզելու ընտրարշավի ժամանակ 
թեգերը:
Ազգային ժողովի ընտրություններ, Տավուշ, Էդմոն Մարուքյան, Նիկոլ Փաշինյան, Օնիկ Գասպարյան

Գլխավոր թեմաներ