21:59 13 հունիսի 2021
Ուղիղ եթեր
  • USD518.61
  • GBP733.68
  • EUR630.16
  • RUB7.24
Քաղաքականություն
Ստանալ կարճ հղումը
ԱԺ արտահերթ ընտրություններ 2021 (157)
69 0 0

Փաշինյանի խոսքով`որոշ համայնքների ղեկավարներ իրենց վարչական լծակներն օգտագործելով՝ մարդկանց տանում են հավաքների։

ԵՐԵՎԱՆ, 8 հունիսի – Sputnik. ՀՀ վարչապետի ժամանակավոր պաշտոնակատար Նիկոլ Փաշինյանը Արագածոտնի մարզի Թալին քաղաքում ընտրարշավի ժամանակ հայտարարեց, որ եթե 2018 թվականի հեղափոխությունից առաջ ասել էր, որ կադրային ջարդեր չեն լինելու, ապա հիմա հայտարարում է, որ լինելու են։

«Կադրային ջարդեր լինելու են, և ջարդի են ենթարկվելու այն պաշտոնյաները, որոնք 2018 թվականի հեղափոխության տված հնարավորություններից օգտվելով՝ ծվարել են ժողովրդի իշխանության միջանցքներում և այս ողջ ընթացքում կատարել են տրոյական ձիու դերակատարում։ Մեզ տվեք այդ կադրային ջարդն անելու մանդատը, և մենք այդ տրոյական ձիերին դուրս կմղենք պետական կառավարման համակարգից»,–ասաց նա։

Փաշինյանի խոսքով`ինքն ասել էր, որ վենդետաներ չեն լինելու, բայց այսօր իրեն տարբեր նախընտրական հավաքներից լուսանկարներ են ուղարկում, որտեղ, ըստ նրա, մարդիկ կանգնած են ծուռ վզերով։

«ժողովրդական խոսք կա, ասում է, ոնց որ թոկը վզներին տարած լինեն, և ակնհայտ է, որ որոշ համայնքների ղեկավարներ իրենց վարչական լծակներն օգտագործելով՝ մարդկանց տանում են հավաքների. մարդկանց հարկադրական հավաքին տանելը կամ հավաքից հետ պահելը քրեորեն պատժելի է»,–ասաց նա։

Քվեների հաշվարկը կհեռարձակվի համացանցում. ԿԸՀ–ն որոշում ընդունեց

Հիշեցնենք, որ խորհրդարանական արտահերթ ընտրությունները Հայաստանում կայանալու են հունիսի 20-ին։ 

Մասնակցում է 21 կուսակցություն ու 4 դաշինք։

թեմա:
ԱԺ արտահերթ ընտրություններ 2021 (157)

Ըստ թեմայի

Ընտրություններից հետո կարող է մտնենք քաղաքական և տնտեսական անորոշության շրջափուլ. Քթոյան
«Հայոց Արծիվներ, միասնական Հայաստան» կուսակցությունը չի մասնակցի ընտրություններին
Այսօր ավելի շատ հնարավորություններ կան. Փաշինյանը` ղարաբաղյան հարցը լուծելու մասին
թեգերը:
Ընտրություններ, Նիկոլ Փաշինյան

Գլխավոր թեմաներ