15:23 12 հունիսի 2021
Ուղիղ եթեր
  • USD518.61
  • GBP733.68
  • EUR630.16
  • RUB7.24
Քաղաքականություն
Ստանալ կարճ հղումը
ԱԺ արտահերթ ընտրություններ 2021 (141)
142 0 0

Շատ բան կախված կլինի նրանից, թե ով կհաղթի Հայաստանում և ինչ տարբերությամբ։ Նախնական հարցումների և վերջնական արդյունքների տվյալները պետք է ինչ-որ կերպ փոխկապակցված լինեն:

ԵՐԵՎԱՆ, 8 հունիսի – Sputnik. Դժվար է կանխատեսել` Հայաստանում կայանալիք ԱԺ ընտրություններից հետո զանգվածային բողոքներ կլինեն, թե ոչ, բայց ամենայն հավանականությամբ դրանցից խուսափել չի լինի։ ՌԻԱ Նովոստիի հարցմանը մասնակցած փորձագետները կարծում են, որ այս եզրահանգումը բխում է վերջին ամիսների ներքաղաքական իրադրության վերլուծությունից։

Փորձագետները նշել են, որ հայ հասարակության մի մասն անխուսափելիորեն դժգոհ է լինելու ընտրությունների արդյունքից և փողոց է դուրս գալու։ Սակայն հավանական ակցիաների մասշտաբները կախված կլինեն այս կամ այն քաղաքական ուժերի առաջնորդների վճռականությունից: Հենց նրանց տրամադրվածությունից է կախված, թե մարդիկ որքան ժամանակ կանցկացնեն փողոցներում։

«Նույնիսկ եթե հասարակության այդ հատվածը (դժգոհ) իր մեջ ուժ չգտնի ինքնուրույն փողոց դուրս գալու համար, ապա պարտված առաջնորդներն ամենայն հավանականությամբ կօգտագործեն նրանց դժգոհությունը և մարդկանց դուրս կբերեն փողոց»,– ՌԻԱ Նովոստիին ասել է ՌԴ ԱԳՆ Մոսկվայի միջազգային հետազոտությունների ինստիտուտի առաջատար գիտաշխատող Յուլյա Նիկիտինան:

ՌԳԱ հետխորհրդային հետազոտությունների կենտրոնի ավագ գիտաշխատող, պատմական գիտությունների թեկնածու Ստանիսլավ Պրիտչինը նույնպես չի բացառել բողոքի ակցիաների հավանականությունը: Բայց նա կարծում է, որ ամեն ինչ կախված է նրանից, թե ով կհաղթի ընտրություններում և ինչ տարբերությամբ։

21-ում արդեն ֆաբրիկա ուներ, 24-ում՝ ինքնաթիռ. Արզաքանցյանի ինչի՞ն են պետք ընտրությունները

«Եթե ընտրությունների վերջնական արդյունքն այնքան էլ չհամապատասխանի նախնական հարցումներին, ապա պարտված կողմն իհարկե կփորձի իր ճիշտ լինելն ապացուցել փողոցային բողոքի ակցիաների միջոցով»,–ասել է փորձագետը:

Հիշեցնենք` հունիսի 20-ին կայանալիք ԱԺ արտահերթ ընտրությունների քարոզարշավը մեկնարկել է հունիսի 7-ին: Ընտրություններին կմասնակցի 25 քաղաքական ուժ՝ 21 կուսակցություն և 4 դաշինք։

«Նիկոլի թավիշը կերավ երկիրը». Արամ Մանուկյանը` Նիկոլ Փաշինյանի ու Ռոբերտ Քոչարյանի մասին

թեմա:
ԱԺ արտահերթ ընտրություններ 2021 (141)

Ըստ թեմայի

Ո՞ր թեկնածուներն են ձեռնտու Ռուսաստանին. քաղաքագետի կարծիքը
«Գյուղատնտեսությունը մեռած է». Ծառուկյանը կարծում է` գյուղնախարարությունը պետք է վերաբացվի
«Բա որ ես էլ ընդունեմ դուելի հրավերը` շարեմ ճակատին». Նիկոլ Փաշինյանը` Ռոբերտ Քոչարյանին
Արտահերթ, բայց ոչ արտառոց. հոլանդական ընտրություններն ու հայ «չգործարար» թեկնածուները
թեգերը:
Բողոքի ակցիա, Ընտրություններ, Հայաստան

Գլխավոր թեմաներ