ԵՐԵՎԱՆ, 10 հունիսի - Sputnik. Կենտրոնական ընտրական հանձնաժողովը կուսումնասիրի Հայաստանի դեմոկրատական կուսակցության կողմից վարչապետի թեկնածու, նախկին պատգամավոր Տիգրան Արզաքանցյանին ընտրական ցուցակում գրանցելու հարցը: Համապատասխան հարցը կքննարկվի հունիսի 10-ին, ժամը 15:00-ին կայանալիք արտահերթ նիստում:
Ավելի վաղ Արզաքանցյանը նշել էր, որ ձերբակալվել են Արարատի մարզի իրենց շտաբների ղեկավարները։
Sputnik Արմենիայի թղթակցի հետ զրույցում կուսակցության մամուլի խոսնակ Տիգրան Հովհաննիսյանն ասաց, որ միջադեպը տեղի է ունեցել հանրահավաքից հետո։ Ոստիկանությունը ձերբակալել է մոտ մեկ տասնյակ մարդու։
«Նրանց պահել են մոտ 2,5 ժամ ՝ հարցեր ճշտելու համար։ Ոստիկանությունը ճշտում էր` արդյոք պարենամթերքը որպես ընտրակաշառք է բաժանվել», - ասաց Հովհաննիսյանը։
Սակայն ապացույցներ չունենալու հետևանքով շուտով բոլորը ազատ են արձակվել։
Նշենք, որ արտահերթ խորհրդարանական ընտրությունները տեղի կունենան հունիսի 20-ին։ Ընտրություններին մասնակցելու համար գրանցվել է 25 քաղաքական ուժ ՝ 4 դաշինք և 21 կուսակցություն։
Քվե` սննդի դիմաց. երկու անձ բերման են ենթարկվել ընտրակաշառք բաժանելու համար
