05:42 27 հուլիսի 2021
Ուղիղ եթեր
  • USD482.52
  • GBP665.64
  • EUR569.28
  • RUB6.52
Քաղաքականություն
Ստանալ կարճ հղումը
ԱԺ արտահերթ ընտրություններ 2021 (314)
349 0 0

Նիկոլ Փաշինյանը հերթական անգամ հոգևորականներին անդրադարձավ` ասելով, որ կոռումպացված հոգևոր հայրերն են վարկաբեկում Հայ առաքելական եկեղեցին, այլ ոչ թե իշխանությունը։

ԵՐԵՎԱՆ, 12 հունիսի - Sputnik. Վերջին տարիներին և վերջին օրերին հոգևոր էլիտայի ներկայացուցիչներն ամեն ինչ արել են Հայաստանի կառավարությանը սեփական կամքը պարտադրելու, հեղափոխությունը ձախողելու համար։ Գեղարքունիքի մարզի Սևան քաղաքում քարոզարշավի ժամանակ նման հայտարարություն արեց ՀՀ վարչապետի պաշտոնակատար Նիկոլ Փաշինյանը։

Նրա խոսքով` այսօր իրենց մեղադրում են, թե փորձում են վարկաբեկել Հայ առաքելական եկեղեցին, ավանդական արժեքները, սակայն դրանք վարկաբեկում են կոռումպացված հոգևորականները։

«Հայ առաքելական եկեղեցում կան բազմաթիվ երիտասարդ և ազնիվ հոգևորականներ։ Ես չեմ պատասխանելու հոգևորականների քստմնելի հայտարարություններին, այլ պատասխանելու եմ միայն Աստվածաշնչով ու հոգևոր խոսքով»,–ասաց Փաշինյանը։

Նա կարդաց աստվածաշնչյան 55-րդ սաղմոսը, որտեղ ասվում է.

«Ողորմիր ինձ Աստված, քանզի մարդն ինձ կոխոտեց, ամենօրյա պատերազմներն ինձ նեղեցին, թշնամիներս գիշեր-ցերեկ ինձ ոտնակոխ արին ու շատերն իմ դեմ մարտնչեցին բարձունքից։ Օրը ցերեկով չեմ վախենա, քանզի հույսս դրել եմ Տիրոջ վրա, Աստծո խոսքով պիտի կատարեմ իմ գովաբանությունը։ Աստծու վրա դրի իմ հույսը ու չեմ սոսկալու. մարդն ինձ ի՞նչ կարող է անել։ Ամեն օր խոսքերս անարգեցին, նրանց չար խորհուրդները իմ դեմ եղան, նրանք պանդուխտ կլինեն ու գաղտագողի կշրջեն, նրանք ինձ հետապնդում են ինչպես իմ մահը ցանկացող մարդիկ, բայց որպես ոչնչություն` դու կմերժես նրանց, քո բարկությամբ հնազանդ կդարձնես ժողովուրդներին»։

Հիշեցնենք, որ Դիլիջանում քարոզարշավի ընթացքում Փաշինյանը հայտարարել էր, որ էլիտաները՝ հոգևորից մինչև քաղաքական, պետք է խոնարհվեն սեփական ժողովրդի առաջ։

«Դուք տեր չեք, դուք այլևս ծառա եք, դուք այլևս Հայաստանում չեք լինելու տեր»,–ասել էր Փաշինյանը։

Ի պատասխան Տավուշի թեմի առաջնորդ Բագրատ Սրբազանն էլ արձագանքել էր, թե հոգևորականությունը ժողովրդին տեր է եղել և տեր էլ մնալու է մշտապես: Նրանիցբացի թեմային արձագանքել էին նաև այլ հոգևորականներ` քննադատելով Փաշինյանի հայտարարությունը։

Նշենք, որ Հայաստանում հունիսի 7–ից մեկնարկել է պաշտոնական քարոզարշավը։

Արտահերթ խորհրդարանական ընտրությունները տեղի են ունենալու հունիսի 20–ին։ Դրանց մասնակցում է 21 կուսակցություն և 4 դաշինք։

«Զոմբի», «ոհմակ», «բորենի». Թաթոյանը դատապարտում է վիրավորելն ու ծաղրելը

թեմա:
ԱԺ արտահերթ ընտրություններ 2021 (314)

Ըստ թեմայի

Փորձ է արվում ցույց տալ, որ Փաշինյանն ունի Արևմուտքի աջակցությունը
Փաշինյանի հետ համագործակցությունը բացառվում է, իսկ Քոչարյանի՞. Արման Աբովյանի պատասխանը
Ստորագրելուց առաջ Փաշինյանը քննարկել է համաձայնագիրն իր թիմի հետ․ Օնիկ Գասպարյան
«Անկլավը պետք է փոխանակվի անկլավի հետ». Նիկոլ Փաշինյան
թեգերը:
կոռուպցիա, Նիկոլ Փաշինյան, հոգևորական, Սաղմոսավանք

Գլխավոր թեմաներ