ԵՐԵՎԱՆ, 15 հունիսի – Sputnik. Ադրբեջանական լրատվամիջոցները հրապարակել են գերեվարված հայերին Հայաստանին հանձնելու կադրերը:
Հիշեցնենք` հունիսի 12-ին հայտնի դարձավ, որ Բաքուն Ակնայի (Աղդամ) ականապատ տարածքների քարտեզի դիմաց Հայաստանին է փոխանցել 15 հայ ռազմագերիների։ Այդ տեղեկությունը հաստատեց ՀՀ վարչապետի պաշտոնակատար Նիկոլ Փաշինյանը, նույնիսկ լուսանկար հրապարակեց, որում երևում էին 15 տղաները, և հայտնեց Հայաստան վերադարձածների անունները։
Հավելենք` ղարաբաղյան հակամարտության գոտում հրադադարի հաստատումից հետո Ադրբեջանում պահվող գերիների և պատանդների վերադարձի հարցը վերջնականապես չի լուծվում։ Ադրբեջանը չի շտապում վերադարձնել բոլոր գերիներին։
Գերիներին վերադարձնելու պայմանավորվածության հարցում վճռորոշ դեր է ունեցել Մուրադովը
Ավելին` 26 հայ ռազմագերիների ներկայացրել է որպես դիվերսանտներ և համապատասխան մեղադրանք առաջադրել։
Ըստ իրավապաշտպանների` Ադրբեջանում ավելի քան 200 հայ գերի կա։
